Jack London

Hierdie artikel haal nie enige bronne aan nie. Verbeter asb. hierdie artikel deur verwysings na betroubare bronne by te voeg. Stellings sonder verwysings mag bevraagteken en verwyder word. Vind bronne: "Jack London" – nuus · koerante · boeke · navorser · JSTOR (Vind uit wanneer en hoe om hierdie sjabloonboodskap te verwyder)

John Griffith "Jack" London (gebore as John Griffith Chaney (12 Januarie 1876 in San Francisco – 22 November 1916 in Glen Ellen, Kalifornië) was 'n Amerikaanse skrywer, joernalis en sosiale aktivis. Hy was 'n baanbreker op die gebied van kommersiële tydskriffiksie ('n genre wat destyds sy bloeitydperk beleef het) en een van die eerste fiksieskrywers wêreldwyd wat met sy skryfwerk internasionale bekendheid verwerf en 'n fortuin verdien het.

Sy bekendste werke sluit White Fang (in Afrikaans vertaal as White Fang - Die Wolfhond) en Call of the Wild in, wat tydens die Klondike-goudstormloop afspeel, asook kortverhale soos To Build a Fire, An Odyssey of the North en Love of Life in. Daarnaas het hy ook oor die Suidelike Stille Oseaan geskryf in verhale soos South Sea Tales, The Pearls of Parlay en The Heathen, en oor die gebied van San Francisco-baai in The Sea-Wolf.

London was 'n vurige aanhanger van die vakbondwese, sosialisme en werkersregte en het 'n aantal invloedryke werke met betrekking tot hierdie onderwerpe geskryf, soos sy distopiese roman The Iron Heel en The People of the Abyss.

Hierdie artikel is ’n saadjie. Voel vry om Wikipedia te help deur dit uit te brei.