Peperblaarboom

Peperblaarboom, peperbasboom
Bewaringstatus
Veilig (IUCN 3.1)
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Magnoliids
Orde:	Canellales
Familie:	Canellaceae
Genus:	Warburgia
Spesie:	W. salutaris
Binomiale naam
Warburgia salutaris (G.Bertol.) Chiov., (1937)
Sinonieme
Chibaca salutaris G.Bertol. Warburgia breyeri R.Pott

Die peperblaarboom^[1] (Warburgia salutaris (G.Bertol.) Chiov.) is inheems aan Malawi, Mosambiek, Zimbabwe, Eswatini en Suid-Afrika waar dit in die ooste van KwaZulu-Natal, Mpumalanga en Limpopo voorkom. Op die SANBI-rooilys is dit as bedreig ("EN") gelys, omdat die Suid-Afrikaanse populasie seker met 50% verminder het vanweë die aanhoudende oes van die bas deur tradisionele genesers.^[2]

Dit is 'n slanke, immergroen boom wat 5 tot 10 m hoog kan word. Dit het glansende blare wat donkergroen van kleur is. Hulle het 'n bitter, brandende aromatiese smaak. Die blomme is liggroen en tot 7 mm in deursnee. Hulle vorm ovaal vrugte wat met rypheid pers word. Die bas is bruin en smaak ook peperagtig en bitter. Die boombas word vir sommige kwale gebruik, veral vir die longe, maar ook teen malaria.^[3]

Fotogalery[wysig | wysig bron]

• 
  bastekstuur
• 
  blomknoppe
• 
  oop blomme
• 
  loof en blomme

Sien ook[wysig | wysig bron]

• Alfabetiese lys van Suid-Afrikaanse bome

Verwysings[wysig | wysig bron]