İstiklal Caddesi

İstiklal Caddesi of Onafhanklikheidslaan is een van die bekendste lane in Istanboel, Turkye, en word oor ’n naweek maklik deur drie miljoen mense per dag besoek. Dit is in die historiese Beyoğlu-distrik geleë en is ’n elegante voetgangerslaan van sowat 3 km lank met uitgelese boetieks, musiek- en boekwinkels, kunsgalerye, bioskope, kroeë, nagklubs, biblioteke, bakkerye en restaurante. Dit begin by die Middeleeuse buurt naby die Galata-toring en eindig by Taksim-plein.

In die historiese Karaköy-distrik kan ’n mens die wêreld se tweede oudste ondergrondse trein, bekend as die Tünel (die Tonnel), sien. Dit het in 1875 begin loop.

Weerskante van die kosmopolitiese laan is belangrike geboue geleë soos skole, kerke, moskees en die konsulate (voor 1923 ambassades) van verskeie lande soos Frankryk, Griekeland, Rusland, Spanje, Swede, Nederland en Brittanje.

Tydens die tyd van die Ottomaanse Ryk is die laan Cadde-i Kebir (Groot Laan) genoem en was dit ’n gewilde ontmoetingsplek vir Ottomaanse intellektuele en Europeërs, wat dit Grande Rue de Péra genoem het.

Hierdie artikel is merendeels vertaal vanaf die Engelse Wikipedia-artikel en:İstiklal Avenue

Wikimedia Commons bevat media in verband met İstiklal Caddesi.

• istiklal caddesi / istiklal.caddesi.com Geargiveer 1 April 2009 op Wayback Machine
• İstiklalCaddesi.net – ’n Nuwe webtuiste oor die laan Geargiveer 25 Januarie 2021 op Wayback Machine