AMD Fusion

AMD Fusion is die kode- en bemarkingsnaam vir 'n reeks sentrale verwerkingseenhede (SVE) wat deur die Amerikaanse vervaardiger AMD ná die samesmelting met ATI, een van die twee beduidendste aanbieders van grafiese verwerkingseenhede ter wêreld, ontwikkel is.

Die AMD Fusion-konsep behels die samesmelting van sentrale en grafiese verwerkingseenheid asook video- en ander hardeware-versnellers op die basis van mobiele sentrale verwerkingseenhede om goeie prestasie in bekostigbare rekenaars te lewer, terwyl die kragverbruik laag bly. Die Fusion-tegnologie is in 2006 bekend gestel en word sedertdien verder ontwikkel.

Eerste Fusion-SVE-modelle, wat deur AMD as versnelde verwerkingseenhede (Accelerated Processing Unit, APU) bemark word, is in Januarie 2011 tydens die Consumer Electronics Show in Las Vegas vertoon. Hulle is onder meer gemik op die netboek-mark.