Britannia (simbool)

Die Armada-gedenkteken in Plymouth, wat Britannia uitbeeld

Vir ander gebruike, sien Britannia.

Britannia (of Lady Britannia) is ’n vroulike figuur wat Brittanje verteenwoordig. Britannia het gewoonlik ’n helm op haar kop en ’n drietandvurk in haar hand. Sy het ook ’n skild met die ontwerp van die Britse vlag daarop.

Britannia versinnebeeld 'n krygshaftige maagd. Die drietand is 'n simbool van haar heerskappy oor die oseane. Sy dra 'n klassieke Romeinse uniform en haar helm het pluime op. Haar skild beeld die Kruis van Sint-George en die Kruis van Sint-Andreas daarop uit.

Hierdie figuur is voorheen op muntstukke en medaljes van die Britse Ryk afgebeeld. "Rule Brittannia", wat na haar verwys, is ook ’n gewilde nasionale lied.^[1]

Britannia is die Britse teenhanger van die Nederlandse maagd, Germania en die Franse Marianne.

verwysings

↑ HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels

Wikimedia Commons het meer media in die kategorie Britannia (simbool).

[HAT_Taal-en-feitegids-1] HAT Taal-en-feitegids, Pearson, Desember 2013, ISBN 978-1-77578-243-8

[1]