Claremont, Kaapstad

Claremont
Voorstad
Uitsig oor Claremont
Claremont
Koördinate: 33°58′50″S 18°27′55″O / 33.98056°S 18.46528°O / -33.98056; 18.46528
Land	Suid-Afrika
Provinsie	Wes-Kaap
Metropolitaanse Munisipaliteit	Kaapstad
Oppervlak
• Totaal	5,21 km2 (2,01 vk. myl)
Hoogte	38 m (125 ft)
Bevolking
• Totaal	17 198[1]
• Digtheid	3 300/km2 (8 500/vk. myl)
Tydsone	UTC+2 (SAST)
Poskode	7708
Skakelkodes	021
Webwerf	claremontcentral.co.za

Claremont is 'n gesogte suidelike voorstad van Kaapstad en word onder meer begrens deur Rondebosch, Nuweland en Kenilworth.

Van die grootste aantreklikhede is die winkelsentrum Cavendish Square in die sakekern, wat as desentralisasiepunt vir die middestad dien. Hier is 'n lieflike openbare tuin, Arderne-tuin, wat eens op 'n tyd deel was van die landgoed genaamd The Hill. Dit is in 1840 aangekoop deur 'n Engelse immigrant, Ralph Arderne. Hy het een van die voortreflikste versamelings bome op die Afrika-vasteland hier aangeplant, waarvan die meeste uitheems is.

Claremont was die tuiste van die 19de-eeuse astronoom, sir John Herschel, na wie die bekende privaatmeisieskool Herschel-skool genoem is.

Claremont het van 1886 tot 1913 sy eie munisipaliteit gehad. Die munisipale wapen was: In rooi, 'n vroulike figuur wat Hoop voorstel, wat met haar regterarm teen 'n rots leun en 'n anker met haar linkerhand vashou, vergesel van drie goue ringe. Die helmteken was 'n voorstelling van die Herschel-gedenknaald; die skildhouers was 'n wildebees en 'n gemsbok; en die wapenspreuk was Vestigia nulla retrorsum.^[2]

• Claremont (kiesafdeling)

• Mayhew, Vic (red.), Reader’s Digest Illustrated Guide to Southern Africa, The Reader’s Digest Association South Africa (Pty.) Limited, Kaapstad, 1980.