Clinidae

Clinids
Heterostichus rostratus
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Blennioidei
Familie:	Clinidae
Genera
Baie; sien teks

Die Klipvisse (Clinidae) is 'n vis-familie wat hoort tot die orde Perciformes. Daar is twintig genera met drie en tagtig spesies wat hoort tot dié familie en een en veertig van die spesies kom aan die Suider-Afrikaanse kus voor en al een en veertig dié spesies is endemies aan Suider-Afrika.

Die familie is aan die klein kant, tussen 5 – 30 cm lank. Die lywe is lank en bedek met klein skubbe en die oë is hoog in die kop en naby mekaar. Die dorsale vin is lank. Die sylyn begin hoog en net na die pektorale vin buig dit afwaarts en gaan in 'n reguit lyn na die stert. Al die Suid-Afrikaanse spesies is vivipaar. Die visse is oor die algemeen goed gekamoefleer en pas goed in die getypoele, riviermondings, alge en kelp waar hulle leef. Die visse is karnivore en vreet onder andere klein skaaldiere en wurms.

Die volgende genera en spesies kom aan die Suid-Afrikaanse kus voor:

• Clinus

• Clinus agilis - Rots-klipvis
• Clinus superciliosus - Superklipvis
• Clinus venustris - Gespikkelde klipvis
• Clinus woodi - Ouman-klipvis

• Fucomimus

• Fucomimus mus - Muis-klipvis

• Pavoclinus

• Pavoclinus laurentii - Rimpel-klipvis
• Pavoclinus litorafontis - Slankklipvis
• Pavoclinus mya - Mya se klipvis
• Pavoclinus pavo - Pou-klipvis

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Hierdie artikel is ’n saadjie. Voel vry om Wikipedia te help deur dit uit te brei.