Encyclosphere.org ENCYCLOREADER
  supported by EncyclosphereKSF

Conny Braam

From Wikipedia (Af) - Reading time: 4 min
Conny Braam
Conny Braam, 2002
Gebore28 Februarie 1948
Arnhem
Braam en Mavivi Manzini (ANC) (1989)

Cornelia Hendrika Helena (Conny) Braam (28 Februarie 1948, Arnhem) is 'n Nederlandse skryfster. In 1971 was sy een van die stigters van die Anti-Apartheidsbeweging Nederland (AABN). Sy het sedert 1992 reeds verskeie romans gepubliseer.

Boeke

[wysig | wysig bron]
  • 1992: In hierdie jaar debuteer Conny Braam as skryfster met Operatie Vula: Nederlanders in het ondergrondse verzet tegen apartheid[1], 'n nie-fiksie boek oor haar ervaringe met betrekking tot haar anti-apartheidsaktiwiteite (onder die naam Operasie Vula) tussen 1986 en 1991 in Suid-Afrika.
  • 1993: De Bokkeslachter.[2] 'Die verhaal van 'n Afrikanerseun - Berend Schuitema -, wat sy kwellende bande met sy vaderland nie kan verbreek nie.'
  • 1996: Zwavel.[3] Die spanningsverhaal is vir die Gouden Strop-toekenning benoem. Conny beskryf hierin 'n vrou se soektog na 'n oorlogsmisdadiger wat verantwoordelik is vir die dood van haar oupa. In hierdie roman staan temas soos seksuele dominansie, verraad en samespanning sentraal. Die ondersoek van die jong vrou, wat werksaam is by die Amsterdamse moordbrigade, lei op sy beurt weer na Suid-Afrika.
  • 1998: Die bundel De Amazone van Dahomey[4] bevat reisverhale wat afspeel in Nigerië, Zambië, Tanzanië, Ethiopië en Benin. Daar kom in bykans elke verhaal verwysings na Suid-Afrika voor.
  • 2000: De woede van Abraham.[5] 'n Geskiedkundige roman wat afspeel aan die einde van die 19de eeu. Nicolaas Abraham moet aanskou hoe 'n kanaal (die Noordseekanaal) dwarsdeur sy geliefde dorpie Breesaap gegrawe word. Die mensonterende leef- en werksomstandighede van die arbeiders is afskuwelik en Abraham probeer hulle bystaan in hul stryd om oorlewing en bied ook aan om aan hulle gestorwenes menswaardige begrafnisse te gee. Dit is vir hom pynlik om te aanskou hoe sy mooi land verniel word. (eerste deel van die trilogie oor die familie Abraham uit IJmuiden)
  • 2002: De onweerstaanbare bastaard.[6] Die tweede deel van die trilogie oor die Abrahamfamilie speel af tydens die Eerste Wêreldoorlog. Die titel verwys na IJmuiden, die “bastaard” van die “nette” Velsen. Die hawe is tydens die Eerste Wêreldoorlog, terwyl die Engelse pantserkruisers en Duitse duikbote 'n genadelose stryd voer, die strydtoneel van die oorlogvoerende lande. Die visekonsuls twis onder mekaar oor die kosbare vis. Vir vishandelaars en geluksoekers blyk die oorlog 'n goudmyn te wees. Wanneer honderde drosters en diensweieraars eweneens 'n heenkome daar soek, loop die spanning op die vissersdorp oor.
  • 2004: Het schandaal[7] speel weereens in Velsen en IJmuiden af. Die laaste deel van die trilogie oor die Abrahamfamilie is 'n bloedstollende verhaal oor die onopgehelderde en onopgeloste onwettige regeringspraktyke van 1945. Die boek is gebaseer op twee aangeleenthede wat in die naoorlogse jare groot beroering gewek het; die "Pieter Menten-affêre" en die sogenaamde "Velser-affêre". Volgens Conny Braam behels die Velser-affêre dat die maghebbers reeds van voor 1940 tydens die Tweede Wêreldoorlog kommuniste en ander linkse opstokers uit die weg geruim het. Na die oorlog het niemand vir minstens 'n halwe eeu, uit angs vir vergelding, daaroor durf praat nie. Die hoofkarakter in Het schandaal, Susan, is geïnspireer deur die susters Freddie en Truus Oversteegen uit IJmuiden, wat hul saam met hul tydgenoot Jan Bonekamp in die versetgroep van Hannie Schaft bevind.
  • 2006 - Mandela op de koelkast.[8]
  • 2007 - De Russische timmerman[9] is 'n Satiriese verhaal met 'n paar skreeusnaakse oomblikke, maar ook met 'n ernstige ondertoon, wat handel oor 'n paranoïese man van om en by veertig jaar wat vanuit sy karavaan - in die agtertuin van sy moeder - die wêreld bewaak. Dit is losweg gebaseer op Braam se eie ervaringe met die BVD.
  • 2009 - De handelsreiziger van de Nederlandse Cocaïnefabriek.[10] 'n Roman oor die belewenisse van die fiktiewe handelsreisiger Lucien Hirschland van die Nederlandsche Cocaïnefabriek, sy jonger suster Swaantje en die Engelse onderwyser en oorlogsinvalide Robin Ryder in die tyd voor, tydens en na die Eerste Wêreldoorlog en die jare tussen die twee wêreldoorloë.
  • 2010 - Het schandaal en de Velser Affaire. aangevulde uitgawe.[11]
  • 2012 - Sjaco.[12] 'n Geskiedkundige roman oor "de eerste echte volksheld van Nederland".
  • 2014 - Het beest van Kruger.[13]
  • 2016 - Ik ben Hendrik Witbooi. (Roman) - vertaal deur Zandra Bezuidenhout onder die titel Ek is Hendrik Witbooi - uitgegee deur Protea Boekhuis.[14]

Eksterne skakels

[wysig | wysig bron]

Bron

[wysig | wysig bron]
  • 'n Bespreking van Het schandaal in die Noord-Hollands Dagblad van 4 Mei 2004.

Verwysings

[wysig | wysig bron]
  1. ↑ Operatie Vula 1992 - Amsterdam: Uitgeverij Meulenhoff. ISBN 90 290 83360 (derde druk 2006: Amsterdam : Uitg. Augustus. ISBN 978 90 45700 465).
  2. ↑ De Bokkeslachter 1993 - Amsterdam : Meulenhoff. ISBN 90 290 45582.
  3. ↑ Zwavel 1996 - Amsterdam : Meulenhoff. ISBN 90 290 47615 (vierde druk, Rainbow Pocketboeken 2001 ISBN 90 417 11236).
  4. ↑ De Amazone van Dahomey 1998 - Amsterdam : Meulenhoff. ISBN 90 290 56029.
  5. ↑ De woede van Abraham 2000 - Amsterdam : Meulenhoff. ISBN 90 290 66822 (eerste druk April 2000, tweede druk Junie 2000; herdruk 2004: Amsterdam : Uitg. Augustus. ISBN 978 90 45702 223).
  6. ↑ De onweerstaanbare bastaard 2002 - Amsterdam : uitg. Augustus. ISBN 978 90 45702 025.
  7. ↑ Het schandaal 2004 - Amsterdam : uitg. Augustus. ISBN 90 457 01324 (herdruk 2006, Uitg. Augustus, Amsterdam. ISBN 978 90 45700 397).
  8. ↑ Mandela op de koelkast 2006 - Amsterdam : Uitg. Augustus. ISBN 978 90 45700 458.
  9. ↑ De Russische Timmerman 2007 - Amsterdam/Antwerpen : Uitg. Augustus. ISBN 978 90 457 0017 5 (1ste druk: Nov. 2007; 2de druk: Feb. 2008), 303 bls.
  10. ↑ De handelsreiziger van de Nederlandse Cocaïnefabriek 2009 - ISBN 978 90 468 0675 3.
  11. ↑ Het schandaal en de Velser Affaire 2010 - ISBN 9789045704258.
  12. ↑ Sjaco 2012 - Amsterdam : Uitg. Bertram en de Leeuw. ISBN 9789461560902.
  13. ↑ Het beest van Kruger 2014 - Amsterdam : Bertram+de Leeuw Uitgevers. ISBN 9789461561510.
  14. ↑ Ik ben Hendrik Witbooi 2016 - Amsterdam : Uitgeverij Augustus Atlas Contact. ISBN 9789025447182.


Hierdie artikel is in sy geheel of gedeeltelik vanuit die Nederlandse Wikipedia vertaal.
Licensed under CC BY-SA 3.0 | Source: https://af.wikipedia.org/wiki/Conny_Braam
12 views | Status: cached on November 21 2024 12:58:15
↧ Download this article as ZWI file
Encyclosphere.org EncycloReader is supported by the EncyclosphereKSF