Encyclosphere.org ENCYCLOREADER
  supported by EncyclosphereKSF

Cornell-universiteit

From Wikipedia (Af) - Reading time: 4 min

Cornell-universiteit (/kɔːrˈnɛl/ kor-NEL) is 'n private en statutêre "Ivy League" navorsingsuniversiteit geleë in Ithaca, New York. Die universiteit is in 1865 gestig deur Ezra Cornell en Andrew Dickson White.[1]

Die universiteit was bedoel om onderrig te bied en om bydraes te maak in alle velde van kennis - van die klassiek tot die wetenskappe, en van die teorie tot die toegepaste kennis. Hierdie ideale, ietwat onkonvensioneel/buitengewoon vir die tyd, word vasgevang in Cornell Universiteit se fungerende beginsel; 'n gewilde 1868 Ezra Cornell aanhaling;: "I would found an institution where any person can find instruction in any study."[2]

Die universiteit is in breë georganiseer in sewe voorgraadse kolleges en sewe nagraadse afdelings by die universiteit se hoofkampus in Ithaca, met elke kollege en afdeling wat sy eie toelatingsstandaarde en akademiese programme definieer in 'n amper outonome styl.

Die universiteit administreer ook twee satelliet mediese kampusse; naamlik een in New York Stad en een in Education City, Katar; en Cornell Tech, 'n voorgraadse program wat tegnologie, besigheid en kreatiewe dinkwerk inkorporeer. Die program het geskuif van Google se Chelsea Gebou in New York Stad na die huidige permanente kampus op Roosevelt Eiland in September 2017.

Cornell is een van tien privaat universiteite wat landelike/grond toekennings ontvang het in die Verenigde State van Amerika, en die enigste in New York (deelstaat). Van die universiteit se sewe voorgraadse kolleges, word drie daarvan volgens statuut deur die staat ondersteun, oftewel, hulle is kontrak kolleges, wat geïnkorporeer is by die werking van die "State University of New York (SUNY)" sisteem. Die kolleges sluit die Landboukundige en Menslike Ekologie kolleges in, sowel as die Skool van Industriële Arbeidsverhoudinge. Van Cornell Universiteit se nagraadse skole, word slegs die veeartsenykundige kollege deur die staat ondersteun. As 'n landelike/grond toekennings kollege, bedryf Cornell Universiteit 'n koöperatiewe uitbreidings- en uitreikingsprogram in elke "county" van New York staat, en ontvang die universiteit jaarliks befondsing van New York staat vir sekere opvoedkundige programme.[3]

Die Cornell Universiteit Ithaca Kampus bestaan uit 745 akkers, maar is veel groter wanneer die Cornell Botaniese Tuine (meer as 4,300 akkers) en die verskeie eiendomme van die universiteit in New York in aanmerking gebring word.[4]

Beginnende Oktober 2018, was 58 Nobelprys wenners, vier Turing-toekenning wenners en een Fields Medaljis geaffilieer met Cornell Universiteit. Sedert sy vestiging was Cornell 'n mede-opvoedkundige, nie-sektariese instituut, waar toelating nie beperk is deur ras of geloof/godsdiens nie. Cornell het meer as 245,000 lewende alumni, en sy vorige en huidige fakulteit sluit 34 "Marshall scholars", 30 "Rhodes scholar", 29 "Truman Scholars", 7 "Gates Scholars", 55 Olimpiese medaljewenners en 14 lewende miljardêrs[5][6][7] in. Die studentegetalle bestaan uit meer as 14,000 voorgraadse studente en 8,000 nagraadse studente van al die 50 Amerikaanse state, asook 116 lande.[8]

Geskiedenis

[wysig | wysig bron]

Cornell-universiteit is op 27 April 1865 gestig; die Senaat in New York het die universiteit as die land se toelae-instansie gemagtig. Senator Ezra Cornell het sy plaas in Ithaca, New York, as terrein en VS$ 500,000 van sy persoonlike fortuin as 'n aanvanklike begiftiging aangebied. Mede-senator en opvoeder Andrew Dickson White het ingestem om die eerste president te wees. Gedurende die volgende drie jaar het White toesig gehou oor die oprigting van die eerste twee geboue en gereis om studente en fakulteite te lok.[9] Die universiteit is op 7 Oktober 1868 ingehuldig en 412 mans is die volgende dag ingeskryf.[10]

John Cleese en Carl Sagan het eens klas gegee by Cornell.

Verwysings

[wysig | wysig bron]
  1. ↑ "What you need to know about Cornell: 150 facts". Ithaca Journal. Opgespoor 30 Augustus 2017.
  2. ↑ "University Mission". Cornell University. Opgespoor op 4 Oktober 2018.
  3. ↑ Spitzer, Eliot (14 September 2005). "Agreements between state agencies and Cornell University to procure academic services from the statutory or contract colleges administered by Cornell should be regarded as contracts between a state party and a non-state party" (PDF). New York State. Ge-argifeer van die oorspronklike (PDF) op 26 Maart 2009. Opgespoor op July 26, 2010
  4. ↑ "Cornell University Facilities Services FAQ". Opgespoor op 25 Maart 2014
  5. ↑ "2009–10 Factbook" (PDF). Cornell University. Ge-argiveer van die oorspronklike(PDF) op 26 Junie 2006. Opgespoor op 27 Desember 2009
  6. ↑ "Cornell Nobel laureates". Cornell News Service. Opgespoor op 6 Junie 2006.
  7. ↑ "Uncle Ezra". Cornell University. Ge-argiveer van die oorspronklike op 2 Januarie 2007. Opgespoor op 10 Januarie 2007.
  8. ↑ "University Factbook – Student Enrollment". Cornell University. Opgespoor op 16 November 2018.
  9. ↑ Becker, Carl L. (1943). Cornell University: Founders and the Founding. Ithaca, N.Y.: Cornell University Press. ISBN 978-0-8014-9058-3. Besoek op 17 Junie 2006.
  10. ↑ "Cornell University - Facts about Cornell - How old is Cornell?" (in Engels). Cornell.edu. Geargiveer vanaf die oorspronklike op 29 Julie 2013. Besoek op 2 Januarie 2012.

Eksterne skakels

[wysig | wysig bron]
Licensed under CC BY-SA 3.0 | Source: https://af.wikipedia.org/wiki/Cornell-universiteit
19 views | Status: cached on November 24 2024 06:44:37
↧ Download this article as ZWI file
Encyclosphere.org EncycloReader is supported by the EncyclosphereKSF