Cream tea

Cream tea (ook bekend as Devonshire tea, Devon cream tea of Cornish cream tea) is 'n ligte maaltyd van tee, scones ('n soort soetgebak), clotted cream ('n soort dik room) en konfyt wat in die Verenigde Koninkryk (veral in Suidwes-Engeland) en die res van die Gemenebes van Nasies tradisioneel in die namiddag bedien word.

Cream tea is 'n variant van die Afternoon of Low tea wat oorspronklik in 'n sitkamer op lae tafels (soos byvoorbeeld koffietafels) naas 'n sofa bedien is. Dit moenie verwar word met High tea nie, 'n warm maaltyd wat tradisioneel tussen vyf en sewe uur saans bedien word.

Die benaming Devonshire tea het sy oorsprong in die Engelse graafskap Devon (Devonshire) waar dit as plaaslike spesialiteit beslkou word. Die presiese oorsprong van cream tea is egter omstrede. Volgens historiese oorlewerings kan die tradisie van 'n ligte maaltyd met brood, room en konfyt na die Tavistock-abdy in 11de eeuse Devon teruggevoer word.^[1]

Wikimedia Commons bevat media in verband met Cream tea.