Diagram
From Wikipedia (Af) - Reading time: 3 min
'n Diagram is 'n eenvoudige tekening of plan wat presies wys waar iets is, hoe iets lyk of hoe iets werk. Dit is ’n lyntekening of 'n grafiese voorstelling van data of inligting. Die woord ‘diagram’ kom van die Griekse woord diagraphein wat ‘baken af met lyne’ beteken.
'n Diagram kan ook 'n kaart of grafiek genoem word. Dit is inligting wat gerangskik is op 'n manier wat duidelik en maklik is om te sien, soos in die vorm van 'n eenvoudige prent, of 'n versameling getalle op 'n stuk papier. Daar is baie verskillende maniere om inligting in prent- of diagramvorm te toon.
Diagramme is baie nuttig, aangesien dit onmiddellik aandui wat gebeur. Diagramme orden inligting op 'n nuttige manier en word vir verskillende doeleindes gebruik. Sommige diagramme toon hoe dinge verloop (bv. grafieke) en sommige diagramme gee bloot die nodige inligting. Grafieke kan aandui of iets verbeter, verswak of dieselfde bly.
Oorsig
[wysig | wysig bron]Die term "diagram" kan 'n algemene of spesifieke betekenis hê:
- visuele inligtingsvoorstelling: Soos die term " illustrasie ", word "diagram" gebruik as 'n versamelnaam vir verskeie tegniese genres, insluitend grafieke, tegniese tekeninge en tabelle.[1]
- spesifieke soort visuele voorstelling: Dit is die genre wat kwalitatiewe data toon met vorms wat deur lyne, pyle of ander visuele skakels aan mekaar verbind is.
In die wetenskap word die term op beide maniere gebruik. Anderson (1997) verklaar byvoorbeeld meer algemeen: "diagramme is geïllustreerde, hoewel abstrakte, voorstellings van inligting, en kaarte, lyngrafieke, staafgrafieke, ingenieursbloudrukke, en argitektoniese sketse is alles voorbeelde van diagramme, terwyl foto's en videos nie is nie". [2] Aan die ander kant het Lowe (1993) diagramme gedefinieer as spesifiek "abstrakte grafiese voorstellings van die onderwerp wat hulle voorstel".[3]
In die spesifieke sin kontrasteer diagramme en tabelle met rekenaargrafika, tegniese illustrasies, infografie, kaarte en tegniese tekeninge deur "abstrakte eerder as letterlike voorstellings van inligting" aan te toon. [1]
Soorte diagramme
[wysig | wysig bron]Daar is ten minste die volgende soorte diagramme:
- Kaart- of tabeldiagramme, wat 'n versameling items en verhoudings neem en dit uitdruk deur elke item 'n 2D-posisie te gee, terwyl die verwantskappe uitgedruk word as verbindings tussen die items of oorvleueling tussen die items; voorbeelde van sulke tegnieke:
|
- Grafiek-gebaseerde diagramme, wat 'n verwantskap tussen veranderlikes aandui, bv.
|
Skematiese en ander soorte diagramme, bv.
|
Baie van hierdie soorte diagramme word gereeld met behulp van diagramprogrammatuur soos Visio en Gliffy geskep. Daar bestaan duisende diagramtegnieke.
Diagramme kan ook geklassifiseer word volgens die gebruik of doel, byvoorbeeld, verduidelikend en/of hoe-om-diagramme.
Bronne
[wysig | wysig bron]- Almal verstaan Wiskunde Graad 4 Leerderboek. 2012. Northlands: Macmillan South Africa
- Vereniging vir Afrikaanse Wiskunde-onderwysers
Verwysings
[wysig | wysig bron]- ↑ 1,0 1,1 Brasseur, Lee E. (2003). Visualizing technical information: a cultural critique. Amityville, N.Y: Baywood Pub. ISBN 0-89503-240-6.
- ↑ Michael Anderson (1997). "Introduction to Diagrammatic Reasoning" by cs.hartford.edu. Besoek op 21 Julie 2008.
- ↑ Lowe, Richard K. (1993). "Diagrammatic information: techniques for exploring its mental representation and processing". Information Design Journal. 7 (1): 3–18. doi:10.1075/idj.7.1.01low.
EncycloReader
is supported by the 
KSF