Encyclosphere.org ENCYCLOREADER
  supported by EncyclosphereKSF

Donald Trump

From Wikipedia (Af) - Reading time: 26 min

Donald Trump
45ste en 47ste President van die Verenigde State
Ampstermyn 20 Januarie 2017 – 20 Januarie 2021
20 Januarie 2025 –
Voorganger Barack Obama (2017)
Joe Biden (2025)
Opvolger Joe Biden (2021)
Geboortedatum 14 Junie 1946 (1946-06-14) (79 jaar oud)
Geboorteplek Jamaica, Queens, New York
Sterftedatum
Sterfteplek
Eerste Dame Melania Trump (née Knauss)
Politieke party Republikein (2012–hede; 2009–11; 1987–99)[1]
Visepresident Mike Pence (2017–2021)
James David Vance (2025–2029)
Handtekening
Donald Trump
Gebore
Donald John Trump
NasionaliteitVlag van Verenigde State van Amerika Verenigde State
BeroepVoorsitter en president van die Trump-organisasie
Voorsitter van Trump Plaza Associates, LLC
Voorsitter van Trump Atlantic City Associates
Gasheer van The Apprentice (2004–15)
Politieke partyRepublikein
Vorige affiliasies:
Onafhanklik (2011–12)[1]
Demokrate (2001–09;[1] 1987[2])
Reformiste (1999–2001)[1]
EggenootIvana Zelníčková (1977–91)
Marla Maples (1993–99)
Melania Knauss (2005–hede)
Kinders5: Donald jr., Ivanka, Eric, Tiffany, Barron
Ouer(s)Fred Trump
Mary Anne MacLeod Trump
Webwerfdonaldjtrump.com

Donald John Trump (gebore 14 Junie 1946 in Jamaica, Queens, New York) is ’n Amerikaanse sakemagnaat wat van 2025 tot 2029 as die 47ste Amerikaanse president dien. Van 2017 tot 2021 was hy ook die 45ste Amerikaanse president.

Trump het in 1968 met 'n baccalaureusgraad in ekonomie aan die Universiteit van Pennsilvanië gegradueer. Hy het in 1971 president van die Trump-familie se eiendomsbesigheid geword en op luukse verblyf gefokus. Na 'n reeks besigheidsbankrotskappe in die 1990's het hy verskeie newe-ondernemings van stapel gestuur. Van 2004 tot 2015 was hy gasheer en medevervaardiger van die werklikheidstelevisiereeks The Apprentice.

Hy was die Republikeinse Party se kandidaat in 2016 en het sy Demokratiese teenstander Hillary Clinton op 8 November 2016 in die Amerikaanse presidentsverkiesing verslaan, hoewel hy minder stemme as sy op hom verenig het. Hy is op 20 Januarie 2017 as die 45ste president beëdig. Op 20 Januarie 2021 is hy deur die Demokraat Joe Biden opgevolg, wat hom in die Amerikaanse presidentsverkiesing 2020 verslaan het.

Trump het die verkiesing in November 2024 gewen met 312 verkiesingstemme teenoor die voormalige visepresident Kamala Harris se 226,[3] en daardeur was hy die tweede president in die geskiedenis van die VSA (na Grover Cleveland in 1892) om vir 'n nieopeenvolgende tweede termyn verkies te word.[4] Hy het ook die gewilde stem gewen met 'n pluraliteit van 49,8% teenoor Harris se 48,3%.[5]

Op 70 jaar was Trump in 2016 die oudste en welvarendste persoon wat ooit die amp van president van die VSA beklee het, asook die eerste sonder enige voorafgaande militêre of politieke loopbaan en die vyfde wat op nasionale vlak geen meerderheid van die uitgebragte stemme op hom verenig het nie. Trump is ook ’n belegger, skrywer en TV-persoonlikheid. In 1971 het hy die voorsitter van die eiendomsgroep geword wat in besit van sy familie is, en dit hernoem tot The Trump Organization. Hy het die onderneming vervolgens uitgebrei om die bou en opknapping van wolkekrabbers, hotelle, kasinos en gholfbane in te sluit. Die onderneming Trump Entertainment Resorts is deur hom gestig en beheer.

Vroeë lewe

[wysig | wysig bron]

Donald Trump se voorouers aan vaderskant is afkomstig uit die Duitse nedersetting Kallstadt in die Palts-streek, en van die Buite-Hebride in Skotland aan moederskant. Sy grootouers en sy moeder is almal in Europa gebore. Trump is op 14 Junie 1946 in Jamaica, Queens, 'n woonbuurt in New York gebore. Hy is die vierde van vyf kinders van Frederick Christ "Fred" Trump (1905–1999) en Mary Anne Trump (née MacLeod, 1912–2000). Trump het twee susters, Maryanne en Elizabeth, en twee broers, Fred Jr., en Robert. Trump se ouer broer, Fred Jr., het in 1981 weens alkoholisme gesterf. Trump het al aangedui dat sy broer se dood aanleiding gegee het tot sy besluit om homself te weerhou van enige alkoholiese drank en sigarette. Robert Trump is in Augustus 2020 oorlede.

Eerste termyn as president

[wysig | wysig bron]

Grensmuur beleid

[wysig | wysig bron]

Een van Trump se verkiesingsbeloftes was om 'n muur teen die Meksikaanse grens op te rig, en Republikeine het oorweeg om aksyns van tot 20% op Meksikaanse invoere te hef wat effektief vir die muur sou betaal. Meksiko is byvoorbeeld die grootste verskaffer van vars groente aan die VSA, en het in 2016 groente ter waarde van $5,6 miljard na die VSA uitgevoer.[6] Teen die einde van Trump se termyn het betonmure of metaalheinings oor 'n afstand van 423 myl gestrek, waarvan sekere dele opknappings van bestaande mure was.

Buitelandse beleid

[wysig | wysig bron]

Die prioriteite van Donald Trump se buitelandse en veiligheidsbeleid het hul uiting gevind in die leuse America first – 'n merkbare koersverandering en breuk met Washington se politieke tradisies. Met hierdie nuwe doktrine het Trump beoog om groter speelruimte in sy buitelandse beleid te laat vir nasionale belange van die Verenigde State waar dit eensydig afdwingbaar was. Sy administrasie het gevolglik daarna gestrewe om verpligtinge, wat die VSA ingevolge internasionale ooreenkomste aangegaan het, te verminder en die land se militêre slaankrag te vergroot.[7] Die klem is dadelik geplaas op bestryding van gewelddadige ekstremisme en die herposisionering vir grootmoondheidskompetisie met China en Rusland.[8]

China beleid

[wysig | wysig bron]

President Trump het 'n beleid in werking gestel wat beoog het om China se toenemende geopolitiese invloed hok te slaan. Spesifiek is daar opgetree teen China se ongunstige handelspraktyke en hul strewe na politieke, ekonomiese en tegnologiese dominansie deur finansiering van groot projekte in ontwikkelende lande. Daar is gevrees dat bates en natuurlike hulpbronne van arm lande in Chinese hande sal val wanneer hierdie lande nie hul Chinese leningsverpligtinge kan nakom nie. China se strategiese belange in Afrika het reeds veral olie, gas, steenkool en metale ingesluit, wat vir hul konstruksie- en vervaardigingsektore benodig is, terwyl Afrika lenings vir infrastruktuurprojekte benodig het. Zambië, Angola, die DRK, Mosambiek, Ethiopië, Soedan, Kenia en Djiboeti het onder die lande getel wat teen 2018 reeds van hul bates aan Chinese beheer moes afstaan.[9]

Daar is perke gestel op Chinese beleggings in die VSA wat kon meebring dat Amerikaanse tegnologie en handelsgeheime in Chinese hande val, en die uitvoer van siviele kerntegnologie na China is in 2018 aan streng beperkings onderwerp. Doeane-aksyns (Eng: tariffs) van $250 miljard is op Chinese goedere geplaas ten einde handelspraktyke te kortwiek wat Amerikaanse maatskappye benadeel het.[10]

In sy verkiesingsveldtog het Trump sterk kritiek uitgespreek oor Amerika se buitelandse hulp tydens sy voorgangers se termyne. 'n Afskaling van buitelandse hulp sou egter in China se hande speel wat beplan het om $1 miljard se konstruksiehulp aan 100 lande beskikbaar te stel. Gevolglik is Trump se beleid in Oktober 2018 aangepas om buitelandse hulpprogramme vir infrastruktuur in Afrika, Asië en die Amerikas te bevorder. Dié hulpprogramme het $60 miljard se lenings, leningswaarborge en versekering teen politieke risiko's vir maatskappye behels wat in ontwikkelende lande sake wou doen. Die hoop is uitgespreek dat die nuwe stelsel beleggings volgens maksimum ekonomiese en politieke effek sou toeken, en gelykertyd die korrupsie en wanbestuur sou systap waardeur China se beleggings in Maleisië en elders gekenmerk is.[10]

Afrika beleid

[wysig | wysig bron]

Weens Trump se kenmerkende America first-benadering was belangrike beleidsaanpassings jeens Afrika te wagte. Desondanks is Amerika se voorafgaande betrokkenheid by Afrika grootliks uit sy eie oorwegings en die kongres se invloed gehandhaaf. Sy grondige skeptisisme oor buitelandse betrokkenheid, en veral in armer ontwikkelende lande, het wel hand aan hand gegaan met 'n afskaling van dié internasionale handelsooreenkomste wat as onbillik teenoor die Verenigde State beskou is. Amerikaanse steun vir internasionale hulporganisasies waarvan Afrika afhanklik is, het onder die loep gekom, en Amerika se beperkte militêre teenwoordigheid in Afrika is ingekort van 7 200 ontplooide personeel in 2018, tot 7 000 in 2019 en 6 000 in 2020. Ten spyte van die besnoeiing van AFRICOM-magte, is beplan om tussen 2021 en 2025 meer as $330 miljoen te spandeer om 27 basisse op die vasteland te versterk en uit te brei.[8]

Trump het min aptyt vir betrokkenheid by Afrika se interne beleidskwessies getoon. Tydens sy eerste termyn het hy dan nie soos sy twee voorgangers na die vasteland gereis nie, en Afrika se publieke gesondheid of die integriteit van hul verkiesings het geen hernieude aandag geniet nie. Rex Tillerson, sy minister van buitelandse sake, het ontslae geraak van sy departement se kenners rakende Afrika-aangeleenthede, en sy opvolger Mike Pompeo het hierdie kundigheid eweneens nie herstel nie. Trump het Afrika-staatshoofde op die periferie van die VN se Algemene Vergadering ontmoet en enkele Afrika-leiers is in die Withuis ontvang. Diplomasie is gefokus op handel, belegging en hulp, benewens die finansiering van groot hulp- en beleggingsinisiatiewe, en die vestiging van nuwe ondernemings.[8]

In weerwil van Trump se begrotingsvoorstelle wat buitelandse hulp sou inkort, het die Republikeins-beheerde kongres duur humanitêre programme voortgesit, insluitend die president se noodplan vir vigsverligting (PEPFAR). Die staatsdepartement en Amerikaanse agentskap vir internasionale ontwikkeling (USAID) se hulp aan Afrika-lande het $7,1 miljard in die 2019-boekjaar beloop, wat met besteding deur die regering van president Barack Obama gestrook het. Een sg. onregverdige handelsooreenkoms, die African Growth and Opportunity Act, waarvolgens Afrika-produkte suid van die Sahara sonder aksyns na die VSA uitgevoer word, is ongeskonde behou. Trump het ook sy eie handels- en beleggingsinisiatief, Prosper Africa, van stapel gestuur vir fasilitering van private Amerikaanse beleggings in Afrika. Die by-Trump ongewilde Overseas Private Investment Corporation wat finansierings- en beleggingsversekering aan Afrikalande verskaf het, is saam met USAID se ontwikkelingskredietowerheid omskep in die U.S. International Development Finance Corporation wat grootliks op Afrika gefokus is.[8]

Verkiesing van 2020

[wysig | wysig bron]

In die verkiesing van 2020 het 159 633 396 Amerikaners gestem, die grootste aantal tot nog toe, waarvan Biden en Harris 51,3% op hul verenig het, en Trump en Pence, 46,8%. Trump was van mening dat grootskaalse verkiesingsbedrog die skaal in Biden se guns geswaai het, en het etlike geregtelike aksies geloods om sekere bepalende uitslae ongeldig te verklaar. Die deelstaat Texas het ook 'n aksie geloods maar was ewe onsuksesvol in die hof. Uiteindelik het Trump, sy regsverteenwoordiger Rudy Giuliani en ander Republikeine vurige toesprake voor die Kapitoolgebou gehou. 'n Groot aantal aggressiewe optoggangers het die Kapitool bestorm en binnegedring. Hiervoor het die senaat gepoog om Trump nogmaals in 'n staat van beskuldiging te plaas, maar kon nie die nodige tweederde meerderheid verkry om hom aan te kla nie.[11]

Napresidensiële ondersoeke

[wysig | wysig bron]

Sedert hy sy eerste presidentskap verlaat het, was Trump die onderwerp van verskeie ondersoeke na sowel sy saketransaksies as sy optrede tydens die presidentskap. In Februarie 2021 het die distriksprokureur vir Fulton County, Georgia, 'n kriminele ondersoek na Trump se telefoonoproepe aan die Georgia-sekretaris van buitelandse sake, Brad Raffensperger, aangekondig. Afsonderlik het die New Yorkse Staatsprokureur-generaal se kantoor siviele en kriminele ondersoeke gelas na Trump se sakebedrywighede, die ondersoek was in samewerking met die Manhattan-distriksprokureur se kantoor. Teen Mei 2021 het 'n spesiale jurie aanklagte teen Trump oorweeg. In Julie 2021 het die aanklaers van New York die Trump-organisasie aangekla van 'n "15 jaar skema om die regering te bedrieg".

In Desember 2021 het die New York Staatsprokureur-generaal se kantoor Trump gedagvaar om sekere dokumente voor te lê. Op 25 April 2022 het regter Arthur Engoron in die staat New York Trump weens minagting van die hof aangekla omdat hy nie aan die dagvaarding voldoen het nie.

Toe hy die Withuis verlaat het, het Trump etlike bokse dokumente saamgeneem na sy woning by Mar-a-Lago in Florida. Die Amerikaanse Nasionale Argief- en Rekordadministrasie het probeer om die dokumente in die hande te kry, soos vereis deur die Presidensiële Rekordswet, en het 15 bokse in Februarie 2022 ontvang. Hulle het later die Departement van Justisie ingelig dat sommige van die materiaal as geklassifiseerde nasionale veiligheidsinligting gemerk is.

In Junie 2022 het die departement van justisie 'n jurie-dagvaarding aan Trump gestuur, waarin enige bykomende dokumente wat geklassifiseer is, aangevra is.

Op 8 Augustus 2022 het FBI-agente met 'n lasbrief Trump se woning by Mar-a-Lago deursoek as deel van 'n ondersoek na die moontlike wanhantering van dokumente en materiaal wat na die Argief gestuur moes gewees het. Hulle was op soek na geklassifiseerde items en dokumente, insluitend dié wat met kernwapens verband hou. Die Geheime Diens het "toegang vergemaklik" vir die FBI, en Trump se prokureur was teenwoordig. Op 12 Augustus 2022 is die teks van die deursoeklasbrief aan die publiek vrygestel, met verwysing na die ondersoek van drie moontlike misdade: oortreding van die Spioenasiewet, dwarsboming van die gereg en die verwydering of vernietiging van staatsrekords. Die lys van dokumente en ander materiaal wat deur die FBI gekonfiskeer is, is ook vrygestel; dit het 11 stelle geklassifiseerde dokumente gelys, insluitend vier wat as "hoogsgeheim" gemerk was.[12][13][14]

In Maart 2023 is Trump deur 'n groot jurie van Manhattan aangekla op 34 aanklagte van bedrog. Dit maak hom die eerste voormalige Amerikaanse president wat kriminele aanklagte in die gesig staar. Hy het onskuldig gepleit op alle aanklagte.[15]

Presidensiële veldtog 2024

[wysig | wysig bron]

Op 15 November 2022 het Trump sy kandidatuur vir die 2024 Amerikaanse presidentsverkiesing aangekondig en 'n geldinsamelingsrekening geopen.[16][17] Hiermee word hy die vermoedelike genomineerde vir die Republikeinse Party.[18] In Maart 2023 het die veldtog begin om 10 persent van die skenkings na Trump se leierskap-komitee (PAC) te herlei. Trump se veldtog het teen Maart 2024 V$100 miljoen aan rekeninge vir sy regskostes betaal.[19][20]

In Desember 2023 het die hooggeregshof in Colorado beslis dat Trump gediskwalifiseer is vir die Republikeinse voorverkiesing in Colorado vir sy rol in die aanhitsing van die aanval op 6 Januarie 2021 op die Kongres. In Maart 2024 het die Amerikaanse Hooggeregshof sy naam in 'n eenparige besluit op die stembrief herstel, wat beslis het dat Colorado nie die gesag het om Artikel 3 van die 14de Wysiging toe te pas nie, wat opstandelinge verbied om 'n federale amp te beklee.[21]

Op 5 November 2024 is hy herkies as die 47ste president van die Verenigde State toe hy Kamala Harris na maandelange veldtogte en stemwerwery in die presidensiële verkiesing verslaan het.

Sluipmoordpoging

[wysig | wysig bron]
Die hoofartikel vir hierdie afdeling is: Sluipmoordpoging op Donald Trump.
Trump word onmiddellik ná die skietery deur sekuriteit begelei

Trump is in die oor beseer in 'n sluipmoordpoging tydens 'n veldtogsaamtrek op 13 Julie 2024 in Butler, Pennsilvanië.[22][23] Ná die skietery het Trump sy vuis in die lug gebal toe hy deur die Geheime Diens weggelei is. Hy het later mediese sorg by 'n plaaslike mediese fasiliteit ontvang, waar daar aangekondig is dat dit goed gaan met hom. ’n Saamtrekganger is deur geweervuur getref en gedood, en twee ander is in ’n ernstige toestand gelaat.[24][25] Die oortreder is ook op die toneel deur die Geheime Diens doodgeskiet.[26][27] Amptenare het aangekondig dat die skietery as 'n poging tot sluipmoord ondersoek word.[28][29][30] Die FBI het die 20-jarige Thomas Matthew Crooks van Bethel Park, Pennsilvanië, geïdentifiseer as die skieter in die sluipmoordpoging.[31][32]

Tweede presidensie (2025 – hede)

[wysig | wysig bron]
Trump het sy tweede ampseed afgelê, geadministreer deur hoofregter John Roberts in die Capitol-rotonde, 20 Januarie 2025.

Trump het sy tweede termyn met sy inhuldiging op 20 Januarie 2025 begin.[33] Hy het die oudste individu geword om die presidentskap te aanvaar[34] en die eerste president met 'n skuldigbevinding aan misdryf.[35]

Vroeë aksies, 2025 – hede

[wysig | wysig bron]

Met sy ampsaanvaarding het Trump 'n reeks uitvoerende bevele onderteken wat die grense van uitvoerende gesag getoets het. Baie het onmiddellike regsuitdagings gekry.[36] Hy het op sy eerste dag meer uitvoerende bevele uitgereik as enige ander president.[37] Vier dae na sy tweede termyn, het ontleding wat deur Time gedoen is, bevind dat byna twee derdes van sy uitvoerende optrede "weerspieël of is gedeeltelik" voorstelle van Projek 2025.[38] Hy het ongeveer 1 500 oproeriges op 6 Januarie begenadig, insluitend diegene wat die polisie gewelddadig aangeval het, en die vonnisse van 14 versag.[39] In sy eerste weke het verskeie van sy optrede federale wette, regulasies en die Grondwet geïgnoreer of oortree, volgens die opinie van Amerikaanse regsgeleerdes.[40][41][42] In sy administrasie se eerste maand het Trump negentig uitvoerende bevele, memorandums en opdragte uitgereik,[43] en sy bevele en die pogings om die federale regering te verklein, is reeds deur ongeveer sewentig regsgedinge landwyd uitgedaag.[44]

Massabeëindigings van federale werknemers

[wysig | wysig bron]

Trump het 'n aanstellingsbevriesing regoor die federale regering geïmplementeer en beveel dat telewerk van federale werknemers binne 30 dae gestaak moet word.[45][46] Hy het 'n hersiening van baie loopbaanstaatsdiensposte beveel met die doel om hulle te herklassifiseer in na-wil-poste sonder werkbeskerming.[46][47][48] Hy het massabeëindigings van federale werknemers geïnisieer,[49] wat deur regskenners beskryf is as ongekend of in stryd met federale wetgewing,[50] met die doel om hulle te vervang met werkers wat meer in lyn is met sy agenda.[51] Teen einde Februarie het die administrasie meer as 30 000 mense afgedank.[52] Hy het 'n einde aan diversiteit, gelykheid en insluiting (DEI)-projekte in die federale regering gemaak en werknemers in DEI-kantore op verlof geplaas. Hy het Uitvoerende Bevel 11246, wat regstellende aksie en niediskriminasiepraktyke vir federale kontrakteurs verskans het, herroep.[53][54]

Trump en Elon Musk probeer om die grootste deel van USAID af te breek.[55] Nadat 'n beperkingsbevel einde Februarie verval het, het Trump 2 000 werknemers op administratiewe verlof geplaas.[56]

Binnelandse beleid, 2025–hede

[wysig | wysig bron]

Trump het olie-, gas- en chemiese aktiviste by die EPA aangestel om klimaatregulasies en besoedelingsbeheer om te keer.[57] Hy het 'n nasionale energienoodgeval verklaar, wat die opskorting van omgewingsregulasies toelaat, die reëls vir fossielbrandstofontginning verslap en hernubare energieprojekte beperk.[58][59] Hy het 'n hersiening van die "wettigheid en voortgesette toepaslikheid" van die EPA-bedreigingsbevinding geïnisieer, wat die basis is van die meeste federale regulasies oor kweekhuisgasse,[60] en het weer die VSA aan die Parys-ooreenkoms oor klimaatsverandering onttrek.[61]

Trump het dikwels diversiteit, gelykheid en insluiting en wakkerheid geblameer vir probleme in die regering en die samelewing, en het diversiteit gelyk gestel aan onbevoegdheid.[62] Hy het pro-diversiteitsbeleid in die federale regering herroep en omgekeer.[63][64] Sy administrasie het 'n aggressiewe benadering gevolg teen wat dit "geslagsideologie" genoem het, wat die vermoë beëindig het om die geslag wat op paspoorte gelys word te verander, federale befondsing gestaak het aan entiteite wat geslagsbevestigende sorg aan mense onder 19 verskaf, transgender-mense uit die weermag verbied het, en transgender-vroue verhoed om mee te ding in vrouesportprogramme by instellings wat federale fondse ontvang.[65][66]

Immigrasie, 2025 – hede

[wysig | wysig bron]

In sy eerste dae in sy amp het Trump grenspatrollie-agente opdrag gegee om migrante wat die grens oorsteek summier te deporteer, die CBP One-toepassing wat gebruik is om grensoorgange te skeduleer, gedeaktiveer, die oorblyfsels in Meksiko-beleid hervat, dwelmkartelle as terreurgroepe aangewys, en beveel dat bouwerk aan 'n grensmuur hervat moet word.[67][68]

Teen Maart 2025 het die aantal migrante wat deur CBP by die grens aangekeer is, tot die laagste vlak in 15 jaar gedaal, en Meksikaanse owerhede het eweneens 'n 90%-afname in migrante by die grens aangeteken.[69] Trump het probeer om massadeportasies te implementeer, met "Immigration and Customs Enforcement" (ICE) wat 'n doelwit van 1 200 tot 1 500 daaglikse arrestasies gestel het. Die werklike aantal arrestasies het egter agtergebly by hierdie doelwitte en die koerse van arrestasies onder die Obama- en Biden-administrasies.[70][71][72] Trump het aanvanklik deportasie-operasies in heiligdomstede en teen individue gefokus op "teikenlyste" van misdadigers wat voor die Trump-administrasie gevorm is. Verwydering is ook bespoedig vir asielaansoekers wat nie aan vereistes voldoen het nie.[73][74][75] Trump het die paroolstatus van migrante wat die VSA binnegekom het onder CBP One en CHNV humanitêre parool herroep.[68][75] Hy het gepoog om geboorteregburgerskap te verwyder en die vlugtelingtoelatingsprogram op te skort.[76][77] Op 29 Januarie 2025 het hy die Laken Riley-wet onderteken.[78]

Buitelandse beleid, 2025 – hede

[wysig | wysig bron]

Trump het die VSA se buitelandse beleid wesenlik verander.[79] Sy tweede termyn se buitelandse beleid is beskryf as imperialisties en ekspansionisties,[80][81] en die voortsetting van 'n isolasionistiese "America First" buitelandse beleidsagenda.[82] Sy verhoudings met bondgenote was transaksioneel en het gewissel van onverskilligheid tot vyandigheid, insluitend dreigemente van anneksasie van soewereine state.[83][84] Hy het die Amerikaanse regering beveel om befondsing aan die WGO te staak, op te hou om met hul saam te werk en het die VSA se voorneme aangekondig om die WGO formeel te verlaat.[85][86][87]Trump het omvangryke tariewe op sy grootste handelsvennote ingestel, insluitend China, Kanada en Meksiko.[88]

Hy en sy inkomende administrasie het aansienlik gehelp om 'n wapenstilstand tussen Israel en Hamas saam met die Biden-administrasie te bewerkstellig, wat 'n dag voor sy inhuldiging in werking gestel is.[89][90] Hy het toegewings aan Rusland gemaak[91] en is beskryf as aan Rusland se kant in die Russiese inval in die Oekraïne.[83][84][92] Trump het in Februarie 2025 'n hoogs omstrede vergadering met Zelenskyy gehou waar hy hom mondelings besweer het, wat die eerste keer in die Amerikaanse geskiedenis was dat 'n sittende president 'n besoekende staatshoof verbaal aanval tydens 'n besoek.[93][94]

Suid-Afrika

[wysig | wysig bron]

Op 6 Februarie 2025 het Marco Rubio, minister van buitelandse sake, aangekondig dat hy nie die G20 buitelandse ministers-beraad in Johannesburg sal bywoon nie, met verwysing na Suid-Afrika se "omstrede wet op grondonteiening" as een van sy redes.[95]

Die volgende dag het president Trump 'n Uitvoerende Bevel uitgereik om enige hulp of bystand aan Suid-Afrika op te skort, met verwysing na Suid-Afrika se onteieningswet wat na bewering teen Afrikaners gediskrimineer het. [96] In reaksie hierop het Chrispin Phiri, woordvoerder van die Suid-Afrikaanse Departement van Internasionale Betrekkinge en Samewerking, die besluit veroordeel en gesê dit is onsensitief teenoor Suid-Afrika se historiese ervaring met kolonialisme en Apartheid en het bygevoeg dat dit op verkeerde inligting en propaganda gegrond is."[97] Tydens sy jaarlikse staatsrede het Suid-Afrikaanse president Cyril Ramaphosa] "vroeg in Februarie 2010 in Suid-Afrika nie geïntimideer of rondgestoot gaan word nie."[98] In 2025 het Reuters berig dat Errol Musk 'n telefoonoproep tussen Ramaphosa en Trump-bondgenoot Elon Musk gereël het in reaksie op die opskorting van Amerikaanse hulp aan Suid-Afrika.[99]

Vroeg in Maart 2025 het Ramaphosa 'n verklaring uitgereik waarin hy "teenproduktiewe megafoondiplomasie" verwerp het nadat Trump 'n plasing op sosiale media gepubliseer het waarin hy sy vroeëre bewering herhaal dat Suid-Afrika grond van boere konfiskeer.[100]

Op 14 Maart 2025 het die Amerikaanse minister van buitelandse sake, Marco Rubio, Suid-Afrikaanse ambassadeur Ebrahim Rasool persona non grata verklaar vir sy kritiek op Donald Trump se presidensiële veldtog in 2024.[101] en sy beleide.[102]

Op 12 Mei 2025 het die Trump-administrasie die eerste groep Wit Suid-Afrikaners na die Verenigde State gebring deur middel van sy vlugtelingprogram.[103] Suid-Afrika se ministerie van buitelandse sake het die stap "polities gemotiveerd" genoem.[104] Die Episkopale Kerk van die VSA het gereageer deur hul vennootskap met die federale regering te beëindig, aangesien hulle moreel gekant was teen die hervestiging van die wit Afrikaners.[105]

Personeel, 2025 – hede

[wysig | wysig bron]

In sy tweede termyn het president Trump kabinetslede gekies met persoonlike lojaliteit aan hom, en baie aangesteldes het nie die relevante ondervinding vir hul portefeuljes nie.[106][107] Op 3 Februarie 2025 het die Withuis gesê dat Elon Musk 'n spesiale staatswerknemer is.[108] Trump het aan Musk se departement van regeringsdoeltreffendheid (DOGE), amptelik die US DOGE Service Temporary Organisation,[108][109] toegang tot baie federale regeringsagentskappe gegee. Musk se spanne het in die administrasie se eerste maand in agtien departemente en agentskappe gewerk,[110] insluitend in die Tesourie-departement se $5 triljoen-betalingstelsel,[111] die kleinsake-administrasie, die kantoor van personeelbestuur en die algemene dienste-administrasie.[112]

Invoerheffings

[wysig | wysig bron]

Sien hoofartikel: Heffings tydens die tweede Trump-administrasie

In die Withuis Roostuin-toespraak op 2 April 2025 het Trump verklaar dat 2 April "Bevrydingsdag" was, en die aankondiging beskryf as "een van die belangrikste dae in die Amerikaanse geskiedenis" en "ons verklaring van ekonomiese onafhanklikheid." Die president het 'n tweevlak-heffingstruktuur onthul: 'n basislynheffing van 10% wat universeel toegepas word op invoer uit alle lande met die uitsondering van Kanada en Mexiko, en bykomende landspesifieke "wederkerige" heffings gebaseer op wat die administrasie as onbillike handelspraktyke deur ongeveer 60 individuele nasies beskou het.[113][114] Die 10%-basislyntarief het om 12:01 vm. EST op 5 April 2025 (04:01 UTC) begin, terwyl die hoër landspesifieke heffings om 12:01 vm. EST op 9 April 2025 sal begin.[114]

Familie

[wysig | wysig bron]

Sien ook

[wysig | wysig bron]

Verwysings

[wysig | wysig bron]
  1. ↑ 1,0 1,1 1,2 1,3 "Bush says Trump was a Democrat longer than a Republican 'in the last decade'" (in Engels). PolitiFact Florida Politifact.com. Geargiveer vanaf die oorspronklike op 13 Oktober 2019. Besoek op 21 Oktober 2015.
  2. ↑ "The man responsible for Donald Trump's never-ending presidential campaign" (in Engels). News Local Massachusetts. Boston.com. 22 Januarie 2014. Geargiveer vanaf die oorspronklike op 25 Maart 2016. Besoek op 21 Oktober 2015.
  3. ↑ "2024 Presidential Election Results". AP News. 25 November 2024. Besoek 25 November 2024.
  4. ↑ Treisman, Rachel (4 November 2024). "Trump is hoping to win non-consecutive terms. Only one president has done it". NPR. Besoek 9 November 2024.
  5. ↑ "2024 Presidential Election Results" (PDF). Federal Election Commission. 16 Januarie 2025. Besoek 16 Januarie 2025.
  6. ↑ Border commerce, and who will really pay for the wall, Daniel González, azcentral.com, USA TODAY NETWORK
  7. ↑ (de) Bundeszentrale für politische Bildung (bpb), 23 Junie 2020: Vier Jahre Donald J. Trump: Ein Rückblick auf seine Regierungsbilanz in der Innen- und Außenpolitik. Besoek op 16 Julie 2020
  8. ↑ 8,0 8,1 8,2 8,3 Campbell, John (12 Oktober 2020). "U.S. Africa Policy Needs a Reset". Foreign Affairs. Besoek op 13 Oktober 2020.
  9. ↑ Kwasi, Stellah (14 Maart 2019). "High cost of having China as Africa's partner of choice" (in Engels). msn money. ISS Today, Daily Maverick. Geargiveer vanaf die oorspronklike op 9 Oktober 2019. Besoek op 16 Maart 2019.
  10. ↑ 10,0 10,1 Thrush, Glen (15 Oktober 2018). "Trump Embraces Foreign Aid to Counter China's Global Influence". msn money. The New York Times. Besoek op 15 Oktober 2018.
  11. ↑ Donald Trump cleared in impeachment vote over the Captol Hill riot: The 57-43 vote fell short of the two-thirds majority required for conviction, Simon Rushton, 13 Februarie 2021, The National News
  12. ↑ Zengerle, Patricia (February 18, 2022). "Trump took classified material from White House to Florida, National Archives says". Reuters. Retrieved August 11, 2022.
  13. ↑ Thrush, Glenn; Haberman, Maggie; Protess, Ben (August 11, 2022). "Trump Search Said to Be Part of Effort to Find Highly Classified Material". Retrieved August 12, 2022.
  14. ↑ Barrett, Devlin; Dawsey, Josh; Stein, Perry; Harris, Shane (August 12, 2022). "FBI searched Trump's home to look for nuclear documents and other items, sources say". The Washington Post. Retrieved August 12, 2022.
  15. ↑ "Trump charged with 34 felony counts in hush money scheme". AP NEWS. April 4, 2023. Retrieved April 5, 2023.
  16. ↑ Arnsdorf, Isaac; Scherer, Michael (15 November 2022). "Trump, who as president fomented an insurrection, says he is running again". The Washington Post. Besoek op 5 Desember 2022.
  17. ↑ Schouten, Fredreka (16 November 2022). "Questions about Donald Trump's campaign money, answered". CNN. Besoek op 5 Desember 2022.
  18. ↑ Colvin, Jill (12 Maart 2024). "Trump clinches 2024 Republican nomination". PBS NewsHour. Besoek op 29 April 2024.
  19. ↑ Goldmacher, Shane; Haberman, Maggie (25 Junie 2023). "As Legal Fees Mount, Trump Steers Donations Into PAC That Has Covered Them". The New York Times. Besoek op 25 Junie 2023.
  20. ↑ Escobar, Molly Cook; Sun, Albert; Goldmacher, Shane (27 Maart 2024). "How Trump Moved Money to Pay $100 Million in Legal Bills". The New York Times. Besoek op 3 April 2024.
  21. ↑ Levine, Sam (4 Maart 2024). "Trump was wrongly removed from Colorado ballot, US supreme court rules". The Guardian. Besoek op 23 Junie 2024.
  22. ↑ "Secret Service rushes Trump off stage after popping noises heard at his Pennsylvania rally". NBC News (in Engels). 13 Julie 2024. Besoek op 13 Julie 2024.
  23. ↑ "Trump wounded in assassination attempt. Biden calls it 'sick': Here's what we know". USA Today (in Engels). 13 Julie 2024. Besoek op 13 Julie 2024.
  24. ↑ "Trump rally erupts in gunfire, former president safe, officials say". Reuters (in Engels). 13 Julie 2024.
  25. ↑ "Trump's ear shot at rally in assassination attempt; gunman killed". USA Today (in Engels). 14 Julie 2024.
  26. ↑ "Donald Trump 'Fine' After Shots at Rally; Shooter Reportedly Killed". WSJ (in Engels). 13 Julie 2024.
  27. ↑ "Law enforcement officials say assailant who opened fire at Trump rally was a 20-year-old man from Pennsylvania". AP (in Engels). 13 Julie 2024.
  28. ↑ Rai, Sarakshi (13 Julie 2024). "Shooting at Trump rally investigated as attempted assassination: reports". The Hill. Besoek op 14 Julie 2024.
  29. ↑ "Shooting at Trump rally is being investigated as assassination attempt, AP sources say". The Associated Press (in Engels). 13 Julie 2024.
  30. ↑ Pereira, Ivan; Osborne, Mark (13 Julie 2024). "Trump rally shooting live updates: Trump says bullet pierced right ear". ABC News. Besoek op 14 Julie 2024.
  31. ↑ "Trump injured in assassination attempt at rally in Butler; 1 attendee, suspected shooter killed". WPXI (in Engels). 14 Julie 2024. Besoek op 14 Julie 2024.
  32. ↑ "Live updates: Trump rally shooter ID'ed as Thomas Matthew Crooks by FBI". CNBC (in Engels). 14 Julie 2024. Besoek op 14 Julie 2024.
  33. ↑ Morgan, David; Borter, Gabriella; Mason, Jeff; Ax, Joseph (20 Januarie 2025). "Trump sworn in a second time, says he was 'saved by God' to rescue America". Reuters. Besoek op 20 Januarie 2025.
  34. ↑ Hussein, Mohamed H. (20 Januarie 2025). "How does Trump's age at inauguration compare with other presidents?". Al Jazeera. Besoek op 29 Januarie 2025.
  35. ↑ Ogwude, Haadiza; Page, Susan (20 Januarie 2025). "Is Donald Trump the oldest president sworn into office? A look at his historic feats". USA Today. Besoek op 20 Januarie 2025.
  36. ↑ Wootson Jr., Cleve R. (21 Januarie 2025). "Trump's executive orders already face pushback, legal challenges". The Washington Post. Besoek op 23 Januarie 2025.
  37. ↑ Rakich, Nathaniel (21 Januarie 2025). "No, Trump can't cancel the 2028 election. But he could still weaken democracy". FiveThirtyEight. Besoek op 24 Januarie 2025. Hy het op Dag 1 meer uitvoerende bevele uitgereik as enige vorige president
  38. ↑ Popli, Nik (24 Januarie 2025). "Trump's Early Actions Mirror Project 2025". Time. Besoek op 25 Januarie 2025.
  39. ↑ Reilly, Ryan J. (21 Januarie 2025). "Trump pardons roughly 1,500 criminal defendants charged in the Jan. 6 Capitol attack". NBC News. Besoek op 23 Januarie 2025.
  40. ↑ Savage, Charlie (5 Februarie 2025). "Trump Brazenly Defies Laws in Escalating Executive Power Grab". The New York Times. Besoek op 5 Februarie 2025.
  41. ↑ Rein, Lisa (29 Januarie 2025). "How Trump is stretching laws to make the federal government more political". The Washington Post. Besoek op 4 Februarie 2025.
  42. ↑ Pereira, Ivan (28 Januarie 2025). "Trump funding freeze a blatant violation of Constitution, federal law: Legal experts". Besoek op 4 Februarie 2025. {{cite news}}: Text "ABC News]]" ignored (hulp)
  43. ↑ Mordock, Jeff (16 Februarie 2025). "Trump's record-breaking start rattles Washington, rankles rivals, but earns raves from voters". The Washington Times. Besoek op 17 Februarie 2025.
  44. ↑ Weissert, Will; Boak, Josh; Whitehurst, Lindsay (15 Februarie 2025). "Trump moves with dizzying speed on his to-do list. But there are warning signs in his first month". AP News. Besoek op 15 Februarie, 2025. {{cite news}}: Gaan datum na in: |access-date= (hulp)
  45. ↑ Davies, Emily (23 Januarie 2025). "On Day 4 of President Trump, telework is on the chopping block". The Washington Post. Besoek op 5 Februarie 2025.
  46. ↑ 46,0 46,1 Green, Erica L.; Robertson, Campbell; Scheiber, Noam (25 Januarie 2025). "Trump's Moves to Upend Federal Bureaucracy Touch Off Fear and Confusion". The New York Times. Besoek op 28 Januarie 2025.
  47. ↑ Doyle, Michael (27 Januarie 2025). "Trump plan to upend civil service advances under new name". Politico. Besoek op 28 Januarie 2025.
  48. ↑ Shalal, Andrea; Spetalnick, Matt (23 Januarie 2025). "Trump accelerates campaign to remake federal bureaucracy". Reuters. Besoek op 28 Januarie 2025.
  49. ↑ Collinson, Stephen (28 Januarie 2025). "Trump sets about his retribution agenda with relish". CNN. Besoek op 28 Januarie 2025.
  50. ↑ Savage, Charlie (27 Januarie 2025). "Fired Inspectors General Raise Alarms as Trump Administration Moves to Finalize Purge". The New York Times. Besoek op 28 Januarie 2025.
  51. ↑ Basu, Zachary; Lawler, Dave (27 Januarie 2025). "Trump's bureaucracy goes to war". Axios. Besoek op 28 Januarie 2025.
  52. ↑ Desjardins, Lisa (28 Februarie 2025). "DOGE continues to hollow federal workforce after already firing more than 30,000". PBS Newshou.
  53. ↑ Reid, Tim (24 Januarie 2025). "Trump's rapid changes in US government stun federal workers". Reuters. Besoek op 28 Januarie 2025.
  54. ↑ Mark, Julian; Telford, Taylor; Svrluga, Susan (23 Januarie 2025). "In first days, Trump deals 'death blow' to DEI and affirmative action". The Washington Post.
  55. ↑ Knickmeyer, Ellen; Amiri, Farnoush; Gomez Licon, Adriana (3 Februarie 2025). "Trump and Musk move to dismantle USAID, igniting battle with Democratic lawmakers". AP News. Besoek op 5 Februarie 2025.
  56. ↑ Hudson, John; Alfaro, Mariana (23 Februarie 2025). "Trump to eliminate 2,000 USAID jobs, place most of workforce on leave". The Washington Post.
  57. ↑ Friedman, Lisa; Tabuchi, Hiroko; Davenport, Coral (25 Januarie 2025). "Trump Stocks E.P.A. With Oil, Gas and Chemical Lobbyists". The New York Times. Besoek op 26 Januarie 2025.
  58. ↑ Elliott, Rebecca F. (27 Januarie 2025). "Oil Companies Embrace Trump, but Not 'Drill, Baby, Drill'". The New York Times. Besoek op 16 Februarie 2025.
  59. ↑ Brady, Jeff (22 Januarie 2025). "Trump's energy emergency is a gift to fossil fuel firms. It's likely headed to court". NPR News. Besoek op 16 Februarie 2025.
  60. ↑ Zraick, Karen; Friedman, Lisa (28 Januarie 2025). "Inside Trump's Renewed Effort to Undo a Major Climate Rule". The New York Times. Besoek op 16 Februarie 2025.
  61. ↑ Daly, Matthew; Borenstein, Seth (20 Januarie 2025). "Trump signs executive order directing US withdrawal from the Paris climate agreement — again". AP News. Besoek op 23 Januarie 2025.
  62. ↑ Green, Erica L. (3 Februarie 2025). "As Trump Attacks Diversity, a Racist Undercurrent Surfaces". The New York Times. Besoek op 4 Februarie 2025.
  63. ↑ Green, Erica L.; Aleaziz, Hamed (22 Januarie 2025). "Federal Workers Ordered to Report on Colleagues Over D.E.I. Crackdown". The New York Times. Besoek op 4 Februarie 2025.
  64. ↑ Hurley, Lawrence (3 Februarie 2025). "Under Trump, conservatives reignite a battle over race and the Constitution". NBC News. Besoek op 4 Februarie 2025.
  65. ↑ Kurtzleben, Danielle (7 Februarie 2025). "Trump's executive actions curbing transgender rights focus on 'gender ideology'". NPR News. Besoek op 16 Februarie 2025.
  66. ↑ Sopelsa, Brooke; Yurcaba, Jo; Lambert, Katrina (6 Februarie 2025). "Trump signs executive order banning trans women from women's sports". NBC News. Besoek op 13 Februarie 2025.
  67. ↑ Bustillo, Ximena (20 Januarie 2025). "Trump signs sweeping actions on immigration and border security on Day 1". NPR News. Besoek op 16 Februarie 2025.
  68. ↑ 68,0 68,1 Montoya-Galvez, Camilo (28 Januarie 2025). "Trump's sweeping immigration crackdown targets some legal means to enter U.S., too". CBS News. Besoek op 16 Februarie, 2025. {{cite news}}: Gaan datum na in: |access-date= (hulp)
  69. ↑ "On Mexico's Once-Packed Border, Few Migrants Remain". The New York Times. 3 Maart 2025.
  70. ↑ Miroff, Nick; LeVine, Marianne (15 Februarie 2025). "ICE struggles to boost arrest numbers despite infusion of resources". The Washington Post.
  71. ↑ Ward, Myah; Piper, Jessica (4 Februarie 2025). "Mass deportations haven't arrived but Trump's PR blitz has". Politico.
  72. ↑ Contreras, Russell; Gibson, Brittany (14 Februarie 2025). "Scoop: Trump's immigration arrests appear to lag Biden's". Axios.
  73. ↑ Dorn, Sara (28 Januarie 2025). "Everything To Know About Trump's 'Mass Deportation' Plans: ICE Tops 1,000 Daily Arrests". Forbes.
  74. ↑ Hackman, Michelle (28 Januarie 2025). "Trump Ramps Up Deportation Effort After Slow Start". The Wall Street Journal.
  75. ↑ 75,0 75,1 Contreras, Russell; Gibson, Brittany (20 Januarie 2025). "Trump's orders unleash sweeping limits on immigration, asylum". Axios.
  76. ↑ "Things to know about the ruling blocking President Trump's refugee ban". The Associated Press. 25 Februarie 2025.
  77. ↑ Sneed, Tierney (23 Januarie 2025). "Judge blocks Trump's 'blatantly unconstitutional' executive order that aims to end birthright citizenship". CNN. Besoek op 23 Januarie 2025.
  78. ↑ Doyle, Katherine; Richards, Zoë (29 Januarie 2025). "Trump signs the Laken Riley Act into law". NBC News.
  79. ↑ Treene, Kevin Liptak, Jeff Zeleny, Alayna (3 Maart 2025). "Trump's speech to Congress will be an explanation of his fast-paced first days in office | CNN Politics". CNN (in Engels). Besoek op 4 Maart 2025.{{cite web}}: AS1-onderhoud: meer as een naam (link)
  80. ↑ Colvin, Jill; Gillies, Rob (9 Januarie 2025). "Trump, the 'America First' candidate, has a new preoccupation: Imperialism". AP News. Besoek op 28 Januarie 2025.
  81. ↑ Collinson, Stephen (8 Januarie 2025). "Trump's threats to Greenland, Canada and Panama explain everything about America First". CNN. Besoek op 28 Januarie 2025.
  82. ↑ Blaxland, John (18 Februarie 2025). "Trump's view of the world is becoming clear: America's allies come second to its own interests". The Conversation. Besoek op 28 Februarie 2025.
  83. ↑ 83,0 83,1 Erlanger, Steven (27 Februarie 2025). "Indifference or Hostility? Trump's View of European Allies Raises Alarm". The New York Times. Besoek op 28 Februarie 2025. Mr. Trump has rebuffed NATO and aligned himself with the longstanding, principal threat to the alliance: Russia.
  84. ↑ 84,0 84,1 Broadwater, Luke (27 Februarie 2025). "With Trump, Alliances Come With Strings Attached". The New York Times. Besoek op 28 Februarie 2025. But it underscores Mr. Trump's impulse to squeeze even America's traditional allies as he applies his transactional approach to foreign policy.
  85. ↑ Maxmen, Amy (24 Januarie 2025). "What a U.S. exit from the WHO means for global health". CBS News. Besoek op 25 Januarie 2025.
  86. ↑ Faguy, Ana; Hughes, Dominic (21 Januarie 2025). "US exit from WHO could see fifth of budget disappear". BBC News. Besoek op 27 Januarie 2025.
  87. ↑ Trump 2025.
  88. ↑ "Trump's Tariffs on Canada, Mexico and China Snap Into Effect". The New York Times. 4 Maart 2025. Besoek op 4 Maart 2025.
  89. ↑ Sanger, David E.; Shear, Michael D. (15 Januarie 2025). "How the Cease-Fire Push Brought Together Biden and Trump's Teams". The New York Times. Besoek op 20 Januarie 2025.
  90. ↑ Liptak, Kevin; Williams, Michael; Carvajal, Nikki; Treene, Alayna; Saenz, Arlette (15 Januarie 2025). "How the Biden and Trump teams worked together to get the Gaza ceasefire and hostages deal done". CNN. Besoek op 20 Januarie 2025.
  91. ↑ Kyselova, Tetiana; Potomkina, Yuna (1 Maart 2025). "How Not to End the War in Ukraine | Foreign Affairs". www.foreignaffairs.com (in Engels). Besoek op 4 Maart 2025.
  92. ↑ Baker, Peter (25 Februarie 2025). "Under Trump, America's New Friends: Russia, North Korea and Belarus". The New York Times. Besoek op 2 Maart 2025. Dit sal moeilik wees om te dink aan 'n sterker demonstrasie van hoe radikaal mnr. Trump besig is om Amerika se plek in die wêreld te herkalibreer na skaars 'n maand terug in die amp. Hy posisioneer die Verenigde State in die kamp van die wêreld se vernaamste skelm state in opposisie met die lande wat Amerika se beste vriende sedert die Tweede Wêreldoorlog of voorheen was.
  93. ↑ Baker, Peter (28 Februarie 2025). "Tempers flare before Zelensky abruptly departs the White House without signing a minerals deal". The New York Times. Besoek op 1 Maart 2025.
  94. ↑ Liptak, Kevin; Zeleny, Jeff; Maher, Kit; Collins, Kaitlan (28 Februarie 2025). "Trump, Vance castigate Zelensky in tense Oval Office meeting". CNN. Besoek op 28 Februarie 2025.
  95. ↑ "US top diplomat Rubio to skip G20 over 'anti-Americanism'". Al Jazeera. 6 Februarie 2025. Geargiveer vanaf die oorspronklike op 11 Februarie 2025. Besoek op 19 Februarie 2025.
  96. ↑ "Addressing Egregious Actions of the Republic of South Africa". The White House. 7 Februarie 2025. Geargiveer vanaf die oorspronklike op 17 Februarie 2025. Besoek op 19 Februarie 2025.
  97. ↑ Ueberbach, Stephan (8 Februarie 2025). "Südafrika zwischen Verwunderung und Empörung". Tagesschau. Geargiveer vanaf die oorspronklike op 14 Februarie 2025. Besoek op 19 Februarie 2025.
  98. ↑ "State of the Nation Address by President Cyril Ramaphosa" (PDF). www.stateofthenation.gov.za/. South African Government. 6 Februarie 2025. Geargiveer (PDF) vanaf die oorspronklike op 12 Februarie 2025. Besoek op 19 Februarie 2025.
  99. ↑ Roelf, Wendell; Skweyiya, Sisipho (5 Februarie 2025). "Elon Musk's dad says he arranged son's call with Cyril Ramaphosa". Geargiveer vanaf die oorspronklike op 9 Februarie 2025. Besoek op 19 Februarie 2025.
  100. ↑ Jones, Mayeni (7 Maart 2025). "South Africa rejects 'megaphone diplomacy' with US". BBC News. Geargiveer vanaf die oorspronklike op 8 Maart 2025. Besoek op 12 Maart 2025.
  101. ↑ "US says South African ambassador 'no longer welcome'". www.aljazeera.com (in Engels (VK)). 14 Maart 2025. Besoek op 14 Maart 2025.
  102. ↑ O’Regan, Peter Fabricius and Victoria (15 Maart 2025). "'Persona non grata' – US expels SA ambassador Ebrahim Rasool from Washington US expels SA ambassador Ebrahim Rasool". Daily Maverick (in Engels). Besoek op 15 Maart 2025.
  103. ↑ Savage, Rachel; Smith, David (12 Mei 2025). "First group of white South Africans arrive in US after Trump grants refugee status". The Guardian. Besoek op 12 Mei 2025.
  104. ↑ Hesson, Ted (9 Mei 2025). "First white South Africans to arrive under US refugee plan as soon as next week". Reuters.
  105. ↑ Jenkins, Jack (12 Mei 2025). "Episcopal Church refuses to resettle white Afrikaners, ends partnership with US government". Religion News Service. Besoek op 12 Mei 2025.
  106. ↑ Griffiths, Brent D. (13 November 2024). "Trump's early Cabinet picks show how much he values loyalty in his second term". Business Insider. Besoek op 23 Februarie 2025.
  107. ↑ Slattery, Gram; Ulmer, Alexander (11 November 2024). "As Trump staffs up for second term, only MAGA loyalists need apply". Reuters. Besoek op 23 Februarie 2025.
  108. ↑ 108,0 108,1 Picchi, Aimee (4 Februarie 2025). "The White House says Elon Musk is a "special government employee." Here's what that means". CBS News. Besoek op 5 Februarie 2025.
  109. ↑ "Meet the Press". NBC News. 23 Februarie 2025.
  110. ↑ "Meet the Press". NBC News. 23 Februarie 2025.
  111. ↑ Duehren, Andrew; Haberman, Maggie; Schleifer, Theodore; Rappeport, Alan (1 Februarie 2025). "Elon Musk's Team Now Has Access to Treasury's Payments System". The New York Times. Besoek op 2 Februarie 2025.
  112. ↑ Narea, Nicole (5 Februarie 2025). "Elon Musk's secretive government IT takeover, explained". Vox. Besoek op 5 Februarie 2025.
  113. ↑ Swanson, Ana; Rappeport, Alan; Romm, Tony (2 April 2025). "Trump Announces Sweeping Tariffs on All Imports: Live Updates". The New York Times (in Engels (VSA)). ISSN 0362-4331. Besoek op 2 April 2025.
  114. ↑ 114,0 114,1 Stepansky, Joseph. "'Unwarranted': World leaders react after Trump announces fresh tariffs". Al Jazeera (in Engels). Besoek op 2 April 2025.

Eksterne skakels

[wysig | wysig bron]
Licensed under CC BY-SA 3.0 | Source: https://af.wikipedia.org/wiki/Donald_Trump
21 views | Status: cached on August 16 2025 02:41:36
↧ Download this article as ZWI file
Encyclosphere.org EncycloReader is supported by the EncyclosphereKSF