Dragons (rugbyspan)

Dragons
Unie		Walliese Rugbyunie
Bynaam(e)		Drake
Stigting		2003
Stadion		Rodney Parade, Newport
Kapasiteit		8 800
Afrigter(s)		Bernard Jackman
Kaptein(s)		T. Rhys Thomas
Liga(s)		Guiness Pro14
2017-’18		13de
Spankleure		Alt. kleure
Statistiek
Meeste wedstryde		180 Steve Jones
Meeste punte		776 Jason Tovey
Meeste drieë		43 Aled Brew
Amptelike webwerf
www.newportgwentdragons.com

Dragons ((cym) Dreigiau), is een van die vier professionele rugbyspanne van Wallis. Hulle ding mee in die Guiness Pro14, Europese Rugbykampioenebeker, Europese Rugbyuitdaagbeker en die Anglo-Walliese Beker. Die streek wat die span verteenwoordig dek die suidweste van Wallis, insluitend Blaenau Gwent, Caerphilly, Monmouthshire, Newport en Torfaen met ’n totale bevolking van naastenby 500 000. Daar is ook ’n aantal semi-professionele en amateurklubs, insluitend die Walliese Premierskapspanne Bedwas RVK, Cross Keys RVK, Ebbw Vale RVK en Newport RVK.^[1]

Die span is in 2003 gestig na die bekendstelling van streekrugbyspanne in Wallis. In die eerste seisoen van die Keltiese Ligabeker het hulle ’n derde plek behaal en vierde in die volgende seisoen; die daaropvolgende drie seisoene het hulle egter elke keer in die laaste drie geëindig. In 2007 het hulle die halfeindrondte van die Europese Uitdaagbeker gehaal maar teen Clermont verloor met 46–29. In 2011 het hulle die halfeindrondte van die Anglo-Walliese Beker gehaal maar teen Gloucester vasgeval. Hulle kon nog nie daarin slaag om die uitklopfase van die Europese Rugbykampioenebeker te haal nie.

Die Dragons is amptelik op 1 April 2003 gestig na ’n ooreenkoms tussen Ebbw Vale RVK en Newport RVK om een van vyf streekrugbyspanne in Wallis te vorm.^[2] Fundamentele meningsverkille tussen die klubs^[3] het ’n arbitrasietydperk, gelei deur die destydse uitvoerende hoof van die Walliese Rugbyunie, ingelui en ’n voorstel vir die naam “Gwent Dragons” is gemaak. Op 28 Julie is die span onder hierdie naam bekendgestel.^[4] Dit het veroorsaak dat Tony Brown, ’n weldoener van Newport RVK, sy finansiële steun vir die streek teruggetrek het. Brown het egter teen 21 Augustus teruggekeer nadat die voorsitter van Ebbw Vale bedank het en die naam van die span verander is na “Newport and Gwent Dragons”.^[5] Die Walliese Rugbyunie wou ’n verduideliking vir die naamsverandering en die bitterheid tussen die twee klub hê^[6] en gevolglik is nog ’n ooreenkoms bereik:^[7] Die span is amptelik tot “Newport Gwent Dragons” herdoop. Op 12 November 2003 is die streek se stigtersmaatskappy, Gwent Rugby Bpk., onder administrasie geplaas.^[8] Op 27 November is ’n nuwe maatskappy, Dragons Rugby Bpk., gestig om die streek te bestuur, met Newport RVK en die Walliese Rugbyunie wat elk ’n 50% aandeel het.^[9]

Die streek se tuisveld is die Rodney Parade in Newport met plek vir 11 676 toeskouers. ’n Ooreenkoms tussen die eienaars, Rodney Parade Beperk, en die streek is in plek, waarvolgens alle rondomtaliewedstryde daar gespeel sal word.^[10] Die span het ook al ’n paar voorseisoenwedstryde op Pontypool Park^[11] en Pandy Park van Cross Keys RVK^[12] gespeel, maar hierdie velde is sedert ’n wedstryd teen ’n Gwent Premierskap XV voor die 2006-’07-seisoen nie weer gebruik nie. Ter voorbereiding van die 2014-’15-seisoen het die Newport Gwent Dragons ’n vennootskap met die stadsraad van die Caerphilly-streek aangegaan waarvolgens die span die CCT-sentrum vir Uitnemendheid in Sport as oefenbasis vir die eerstespan en alle ander ouderdomsgroepspanne in die streek kan gebruik.^[13]

Seisoen	Rondte	Wedstryd
2003-’04	Eerste rondte	Llaneli Scarlets 40–6 Newport Gwent Dragons
2004-’05	Kwarteindrondte	Newport Gwent Dragons 19–46 Llaneli Scarlets

Seisoen	Pos	Gespeel	Gewen	Gelyk	Verloor	BP	Punte	Notas
2003-’04	3de	22	16	0	6	8	72
2004-’05	4de	20	11	0	9	6	50
2005-’06	8ste	20	7	0	13	9	45
2006-’07	9de	20	8	0	12	7	39
2007-’08	8ste	18	7	1	10	4	34
2008-’09	9de	18	7	0	11	5	33
2009-’10	7de	18	8	1	9	5	39
2010-’11	7de	22	10	1	11	7	49
2011-’12	9de	22	7	1	14	6	36
2012-’13	11de	22	6	0	16	4	28
2013-’14	9de	22	7	1	14	5	35
2014-’15	9de	22	8	0	14	10	42
2015-’16	10de	22	4	0	18	10	26
2016-’17	11de	22	4	0	18	7	23
2017-’18	13de	21	2	2	17	8	20
2018-’19	12de	21	5	1	15	4	26

Seisoen	Poel/Rondte	Pos	Gespeel	Gewen	Gelyk	Verloor	BP	Punte	Notas
2003-’04	Poel 1	4de	6	2	0	4	1	9
2004-’05	Poel 5	3de	6	3	0	3	3	15
2005-’06	Poel 1	3de	6	1	0	5	2	6
2007-’08	Poel 1	3de	6	1	0	5	4	8
2008-’09	Poel 5	4de	6	1	0	5	3	7
2009-’10	Poel 2	4de	6	1	0	5	2	6
2010-’11	Poel 6	4de	6	0	0	6	2	2

Seisoen	Poel/Rondte	Pos	Gespeel	Gewen	Gelyk	Verloor	BP	Punte	Notas
2006-’07	Poel 1	1ste	6	5	0	1	5	25	Verloor in halfeindstryd teen Clermont
2011-’12	Poel 4	3de	6	3	0	3	3	15
2012-’13	Poel 3	3de	6	2	0	4	5	13
2013-’14	Poel 2	2de	6	3	0	3	2	14
2014-’15	Poel 3	1ste	6	5	0	1	5	25	Verloor in halfeindstryd teen Edinburgh
2015-’16	Poel 2	2de	6	4	0	2	4	20	Verloor in halfeindstryd teen Montpellier
2016-’17	Poel 3	2de	6	3	0	3	2	14

Seisoen	Poel	Pos	Gespeel	Gewen	Gelyk	Verloor	BP	Punte	Notas
2005-’06	Poel D	3de	3	2	0	1	0	8
2006-’07	Poel D	3de	3	1	0	2	0	4
2007-’08	Poel A	4de	3	0	1	2	3	5
2008-’09	Poel A	3de	3	1	0	2	1	5
2009-’10	Poel 4	2de	4	3	0	1	0	12
2010-’11	Poel 2	1ste	4	3	0	1	0	12	Verloor in halfeindstryd teen Gloucester
2011-’12	Poel 4	4de	4	1	1	2	1	7
2012-’13	Poel 1	3de	4	2	0	2	0	8
2013-’14	Poel 1	4de	4	1	0	3	0	4
2014-’15	Poel 1	3de	4	2	0	2	3	11
Geen kompetisie vir 2015-’16 weens Rugbywêreldbeker
2016-’17	Poel 1	3de	4	1	0	3	1	5

Dragons se span vir die 2017-’18-seisoen:

• (en) Newport Gwent Dragons Geargiveer 16 September 2009 op Wayback Machine Amptelike werf
• (en) Dragged Up Geargiveer 16 Augustus 2017 op Wayback Machine Nie-amptelike aanhangersforum