Eems

Ems
Die Eems naby Lingen.
Die stroomgebied van die Eems.
Oorsprong	Kasteel Holte-Stukenbrock
Monding	Dollart, Noordsee naby Eemden, Duitsland
Stroomgebied	Noordryn-Wesfale en Nedersakse, Duitsland
Lengte	371 km (231 myl)
Oorspronghoogte	129 m (423 voet)
Mondinghoogte	0 m
Gemiddelde afloop	80 m³/s (2 825 ft³/s)
Stroomgebiedopp.	13 160 km² (5 081 myl²)
Kaart van die Eems-bekken in Europa.

Die Eems (Latyns Amisia, Wesfalies Iems, Noord-Nedersaksies en Nederlands Eems, Saterfries: Oamse, Duits: Ems) is 'n rivier in die noord-weste van Duitsland.

Die rivier ontspring in die Senne naby die kasteel Holte-Stukenbrock in die landsdeel Wesfale, vloei aanvanklik deur die Westfälische Bucht - parallel met die Teutoburger Woud - in noordwestelike rigting en vanaf die landsgrens met Nedersakse, tussen Rheine en Salzbergen, in noordelike rigting tot by sy uitmonding in die Noordsee.

Vanaf die Dollart vorm die Eems-rivier die gedeeltelik omstrede grenslyn tussen Duitsland en die Nederlandse provinsie Groningen. Die Eems mond sowat 27 km rivieraf van Eemden tussen Pilsum en Eemshaven in die Noordsee uit.