European Graduate School

Die European Graduate School (EGS, Duits: Europäische Universität für Interdisziplinäre Studien) bied M.A.- en Ph.D.-grade aan werkende kunstenaars, akademiese en aktiewe deelnemers van "kreatiewe" professies wat bereid is om die nuutste kuns en filosofieteorieë aan te pak. Die media- en kommunikasieprogram fokus op intensiewe ontmoetinge met vooraanstaande kunstenaars en denkers tydens 'n jaarlikse drieweek-somersessie in Saas-Fee, Valais, Switserland. Dit behels ook opsionele aanlyn besprekings gelei deur senior studente en fakulteit as voorbereiding vir die latere ontmoetings in Saas-Fee.

EGS is gestig onder inspirasie van Black Mountain College, waar vooraanstaande kunstenaars en kritici deur diskussie kunsopvoeding gelewer het. Die onderrigmedium is Engels.

EGS is gestig in 1994 deur die nie-winsgewende organisasie "European Foundation of Interdisciplinary Studies" met die doel om voortgesette onderrig te verskaf aan professionele individue. Dit bied nagraadse onderrig in twee departemente: media- en kommunikasiestudies (sedert 1998) en kunsterapie sedert 1994.

Die Duitse naam vir die universiteit is Europäische Universität für Interdisziplinäre Studien ("European University for Interdisciplinary Studies"). Dit word erken deur die Switserse staat van Valais om grade toe te ken (alle tradisionele universiteite in Switserland is staatsgebaseerd). 'n Staatsverteenwoordiger is deel van die presidensiële direksie. Federale erkenning in Switserland is 'n komplekse proses wat vanaf 2005 vereis word. Dit is deel van die wydverspreide Switserse Universiteithervorming geteiken op die groter instellings, die enigstes wat tot dusver die proses voltooi het. Die EGS het sover die eerste stap voltooi.

Die dekaan van die Meesters in Kuns (M.A) en Doktorsgraad (Ph.D) programme in Media en Kommunikasie, Wolfgang Schirmacher is die permanente fakulteit terwyl besoekende fakulteit lede tipies tydens die drie weke somer sessies intensiewe seminare van 1 tot 3 dae aanbied. Kunstenaars en filosowe wat al verskeie seminare aangebied het sluit in die regisseur Peter Greenaway, filosoof Jacques Derrida (in Parys), kultuur teoretici Jean Baudrillard,^[1] filosoof van vormloosheid Yve-Alain Bois,^[2] trip hop musikant en filosoof DJ Spooky, nuwe media spesialis Sandy Stone,^[3] cyborg filosoof Donna Haraway, konfessionele kunstenaar Tracey Emin, Heidegger teoretici Christopher Fynsk, regisseur John Waters,^[4] kuns kritici en filosoof Jean-Luc Nancy, regisseur Atom Egoyan, dekonstruktivis Avital Ronell,^[5] en filosoof Alain Badiou.

Slowaakse kultuurteoretikus en gereelde lektor by EGS, Slavoj Žižek beskryf sy betrokkenheid by EGS in 'n onderhoud met 'n Switserse tydskrif Die Weltwoche as volg:

Da gibt es eine internationale Sommerschule, die European Graduate School. Sie ist für Businessleute, die für ihre Weiterbildung jährlich nur ein paar Wochen Zeit haben. Sie gehen da zwei oder drei Saisons hin, bezahlen und kriegen einen schnellen Abschluss, ihren Magister oder den Doktor. Interessant an dieser Schule ist die Palette der Dozenten – es sind einigermassen bekannte Philosophen und Künstler aus der ganzen Welt. Die Filmer Peter Greenaway und Volker Schlöndorff oder die Philosophen Giorgio Agamben, Alain Badiou und ich. Wir drei sind befreundet. Wir treffen uns dort jedes Jahr, sind engagiert für drei Wochen, ich kann meine Frau mitnehmen, habe jeden Morgen neunzig Minuten Vorlesung und bin dann frei.^[6]

Vertaling:

Daar is 'n internasionale somerskool, die European Graduate School. Dit is vir besigheidsmense wat slegs 'n paar weke per jaar het vir hulle deurlopende opleiding. Hulle gaan daarheen vir twee of drie seisoene, betaal en kry 'n vinnige kwalifikasie, hulle magister- of doktorsgrade. Wat interessant is by hierdie skool, is die verskeidenheid dosente – daar is redelik bekende filosowe en kunstenaars vanuit die hele wêreld, soos die filmmakers Peter Greenaway en Volker Schlöndorff en die filosowe Giorgio Agamben, Alain Badiou en ek. Ons drie is bevriend. Ons ontmoet daar elke jaar en is besig vir drie weke, en ek kan my vrou saamneem. Elke oggend het ek 'n lesing van 90 minute en daarna is ek los.

Studente bring tyd deur saam met fakulteitlede vanaf ontbyt tot laataand op die dae wat die seminare aangebied word.

EGS het koöperatiewe ooreenkomste met die Graduate School of Music and Theater, Hamburg sowel as Endicott College in Beverly, Mass. en die California Institute of Integral Studies in San Francisco.

EGS is ook betrokke by 'n internasionale samewerkingsooreenkoms met Beit Berl College en Resling publiseerders vir die vertaling van die boek "Stupidity" deur Prof. Avital Ronel (gepubliseer in Engels deur die Universiteit van Illinois Pers in 2002). Beit Berl beskryf hulself as die "grootste akademiese kollege in Israel"

• Mediastudies
• Nuwe media
• Filmstudies

• European Graduate School
• Beit Berl Collaboration

• Student webwerf Geargiveer 27 Mei 2006 op Wayback Machine
• Een student se ervaring van EGS Geargiveer 19 Mei 2006 op Wayback Machine
• EGS at gradschools.com Geargiveer 5 Mei 2006 op Wayback Machine
• Bruce Sterling se 2006 Somer Seminaar notas Geargiveer 18 Junie 2006 op Wayback Machine
• Po-mo dream team: studying under the "stars". Artikel van joernalis wat later 'n EGS student geword het. Geargiveer 28 September 2007 op Wayback Machine