Groot Moskee van Parys | ||
Ligging | Parys, Frankryk | |
Spesifikasies | ||
Minaret(te) | 1 | |
Minarethoogte | 33 m | |
Styl | Mudéjar-styl | |
Webtuiste | www.mosqueedeparis.net |
Die Groot Moskee van Parys (Frans: Grande Mosquée de Paris) is in Parys se 5de arrondissement geleë en is een van die grootste moskees in Frankryk.
Die moskee is in 1926 gestig as ’n teken van dankbaarheid teenoor die Moslemse tirailleurs uit Frankryk se koloniale ryk, van wie 100 000 in die Eerste Wêreldoorlog gesterf het. Dit is gebou op die mudéjar-styl en die minaret is 33 m hoog. Dit is op 15 Julie 1926 ingewy.
In die Tweede Wêreldoorlog (terwyl Frankryk deur Nazi-Duitsland beset was) het die moskee gedien as ’n geheime toevlugsoord vir Algerynse en Europese Jode. Hulle het skuiling gekry, asook ’n vals Moslem-geboortesertifikaat om hulle teen Duitse vervolging te beskerm.[1]