HAp

Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas.

hAp (Huis vir Afrikaanse Poësie) is in November 2002 in Pretoria gebore. hAp het begin met vers en klank aande in die voortuin en na 7 jaar bestaan hAp vandag uit 'n Poësieteater, Kunsgalery, Boekerij (Biblioteek vir Afrikaans, Nederlands en Engelse Letterkunde, asook 'n afdeling vir "te koop" boeke) en die Mimi Coertse Museum van Afrikaans. hAp beywer hom ten eerste vir die bewaring en ontwikkeling van Afrikaans, en meer spesifiek die Afrikaanse Letterkunde.

• 2002 - hAp open in November.
• 2003 - die hAp Poësieteater kom tot stand. Die hAp-webblad kom tot stand.
• 2004 - die hAp Digtersgroep onder leiding van dr Ian Raper begin by hAp.
• 2005 - die Boekerij word geopen deur Mimi Coertse.
• 2008 - die Mimi Coertse Museum van Afrikaans open by hAp. Verskeie kortkursusse in Afrikaans word deur dr Raper by hAp aangebied.
• 2009 - die hAp Adviesraad word gestig met Mimi Coertse, dr Ian Raper, Prof Marinus Wiechers, Regter Eberhardt Bertelsman, Andre Viljoen en Charl Pretorius - met die oog op die bevordering van Afrikaans deur hAp.
• 2010 - Maart - die eerste DigSange: Afrikaanse Stemfees word suksesvol deur hAp in Pretoria aangebied.
• 2002 - 2010 Verskeie boekbekendstellings vind in hierdie tyd by hAp plaas.

• Groot hap vir Afrikaans, Rapport, 26 Maart 2010.

• hAp se amptelike webtuiste