Haplogroep

’n Haplotipe is ’n groep gene in ’n organisme wat saam van ’n enkele ouer oorgeërf word,^[1]^[2] en ’n haplogroep (haploïed, van die Grieks ἁπλούς, haploûs, "eenvoudig") is ’n groep ooreenstemmende haplotipes wat van ’n gemeenskaplike voorouer af kom deur ’n enkelnukleotiedpolimorfisme-mutasie.^[3]^[4]

’n Haplogroep is meer spesifiek ’n kombinasie van allele by verskillende chromosoomstreke wat nou verbind is en wat gewoonlik saam oorgeërf word. Dit bestaan uit soortgelyke haplotipes en dit is gewoonlik moontlik om ’n haplogroep uit haplotipes te voorspel. Haplogroepe het betrekking op ’n enkele afstammingslyn, wat gewoonlik duisende jare terugstrek.^[5] Daarom hang lidmaatskap van ’n haplogroep, deur enige individu, af van ’n relatief klein deel van die genetiese materiaal wat daardie individu besit.

Haplogroepe word gewoonlik geïdentifiseer met ’n aanvanklike letter van die alfabet, en verfynings bestaan uit ’n bykomende syfer-of-letterkombinasie, soos A → A1 → A1a.

In menslike genetika is die haplogroepe wat die meeste bestudeer word Y-chromosoom (Y-DNA)-haplogroepe en mitochondriale DNS (mtDNA)-haplogroepe, wat albei gebruik kan word om genetiese bevolkings te definieer. Y-DNS word net met die vaderlike lyn langs oorgedra, van pa aan seun, terwyl mtDNA met die moederlike lyn oorgedra word, van die ma aan kinders van albei geslagte. Nie een van die twee herbind nie, en dus verander Y-DNA en mtDNA net deur toevallige mutasies in elke generasie, sonder dat daar ’n vermenging tussen die twee ouers se genetiese materiaal is.

Verwysings

↑ C. Barry Cox, Peter D. Moore, Richard Ladle. Wiley-Blackwell, 2016. ISBN 978-1-118-96858-1 p. 106. Biogeography: An Ecological and Evolutionary Approach
↑ Editorial Board, V&S Publishers, 2012, ISBN 9381588643 p. 137. Concise Dictionary of Science
↑ Arora, Devender; Singh, Ajeet; Sharma, Vikrant; Bhaduria, Harvendra Singh; Patel, Ram Bahadur (2015). "Hgs Db: Haplogroups Database to understand migration and molecular risk assessment". Bioinformation. 11 (6): 272–75. doi:10.6026/97320630011272. PMC 4512000. PMID 26229286.
↑ International Society of Genetic Genealogy 2015 Genetics Glossary
↑ "Haplogroup definition in DNA – Newbie Glossary". The International Society of Genetic Genealogy (in Engels). Geargiveer vanaf die oorspronklike op 12 Mei 2020.

Eksterne skakels

Family Tree DNA: Y-DNA Haplotree
Family Tree DNA: mtDNA Haplotree
YFull: YTree
YFull: MTree
Indiese moederlike geenpoel^{[dooie skakel]}, Journal of Human Genetics
Y Chromosome Consortium Geargiveer 16 Januarie 2017 op Wayback Machine
ISOGG Y-DNA Haplogroup Tree
Haplogroup Predictor
Wikimedia Commons het meer media in die kategorie Haplogroep.
Hierdie artikel is vertaal uit die Engelse Wikipedia

[cox2016-1] C. Barry Cox, Peter D. Moore, Richard Ladle. Wiley-Blackwell, 2016. ISBN 978-1-118-96858-1 p. 106. Biogeography: An Ecological and Evolutionary Approach

[editorial2012-2] Editorial Board, V&S Publishers, 2012, ISBN 9381588643 p. 137. Concise Dictionary of Science

[arora2015-3] Arora, Devender; Singh, Ajeet; Sharma, Vikrant; Bhaduria, Harvendra Singh; Patel, Ram Bahadur (2015). "Hgs Db: Haplogroups Database to understand migration and molecular risk assessment". Bioinformation. 11 (6): 272–75. doi:10.6026/97320630011272. PMC 4512000. PMID 26229286.

[ISGS2015-4] International Society of Genetic Genealogy 2015 Genetics Glossary

[5] "Haplogroup definition in DNA – Newbie Glossary". The International Society of Genetic Genealogy (in Engels). Geargiveer vanaf die oorspronklike op 12 Mei 2020.

[1]

[2]

[3]

[4]

[5]