Harry Smith

Sir Harry Smith, 1ste Baronet
Geboortedatum	28 Junie 1787
Geboorteplek	Whittlesey, Cambridgeshire, Koninkryk van Groot-Brittanje
Sterfdatum	12 Oktober 1860 (op 73)
Sterfplek	Londen, Verenigde Koninkryk
Lojaliteit	Verenigde Koninkryk
Diens/Tak	Britse leër
Jare in diens	1805 -
Rang	Luitenant-generaal
Veldslae/oorloë	Napoleontiese Oorloë Anglo-Amerikaanse Oorlog van 1812 Xhosa-oorloë Gwalior-veldtog Eerste Anglo-Sikh-oorlog Slag van Boomplaats
Toekennings	GCB
Familie	Juana María de los Dolores de León Smith - eggenote
Ander werk	Goewerneur van die Kaapkolonie (1847–1852)

Sir Harry George Wakelyn Smith (Cambridgeshire, 28 Junie 1787 - 12 Oktober 1860) was 'n Britse goewerneur en hoë kommissaris.

Hy neem van 1808 af aan verskeie veldslae deel en word in 1829 aangestel as waarnemende kwartiermeester aan die Kaap. In 1835 speel hy 'n leiersrol in die Sesde Grensoorlog en is in bevel van die patrollie wat Hintsa laat sneuwel. In 1840 verlaat hy Suid-Afrika en word adjunk-generaal van 'n Britse leër in Indië. Hy keer egter op 1 Desember 1847 terug as goewerneur en hoë kommissaris en proklameer Kaffrarië op 23 Desember tot Britse gebied. Die jaar daarop besoek hy die gebied noord van die Oranjerivier en verklaar op 3 Februarie 1848 die gebied tussen die Oranje- en Vaalrivier tot Britse gebied en verslaan die Boere by Boomplaats. Op 14 Maart 1849 kondig hy regulasies aan vir die regering van die Oranjerivier-Soewereiniteit. Hy word op 31 Maart 1852 opgevolg deur sir George Cathcart en kom op 1 Junie van daardie jaar in Engeland aan, waar hy agt jaar later sterf.

Dorpe soos Harrismith en Smithfield in die Vrystaat is na hom genoem, Fauresmith na hom en ds. P.E. Faure en Ladismith in die Wes-Kaap en Ladysmith in KwaZulu-Natal na sy vrou.

Die dorp Aliwal-Noord het ook sy stigting en naam te danke aan sir Harry Smith, wat in 1846 'n veldslag te Aliwal in Indië gewen het.

• Lys van kommandeurs en goewerneurs van die Kaapkolonie
• Makana Botaniese Tuin
• Spanspek
• Whittlesea

• Albertyn, C.F. dr. (hoofred.). 1972. Die Afrikaanse Kinderensiklopedie. Kaapstad: Nasou.
• MacNab, Roy: Remembering Sir Harry Smith. In: Lantern. Tydskrif vir Kennis en Kultuur. Jaargang 21, nr. 3, Maart 1972
• Raper, P.E. 1987. Dictionary of South African Place Names. Johannesburg and Cape Town: Lowry Publishers.