Ian McIntosh

Ian McIntosh
Geboortedatum	24 September 1938
Sterftedatum	5 April 2023 (op 84)
Rugbyloopbaan
Loopbaan as afrigter
Jare	Klub / span
? 1993–94 ~1988–96	Zimbabwe Suid-Afrika Natalse Haaie

Ian McIntosh (24 September 1938^[1] - 5 April 2023) was 'n voormalige Zimbabwies-Suid-Afrikaanse rugbyafrigter. Hy was gedurende 1993 en 1994 hoofafrigter van die Springbokke. McIntosh het naby Bulawayo grootgeword.

McIntosh het nooit as speler vir sy land gespeel nie, maar het in die 1970's kennis gemaak met afrigting onder toesig van die destydse afrigtingsdirekteur van die Walliese Rugbyunie, Ray Williams.

Hy het die legendariese Natalspan gedurende die laat 1980's en vroeë 1990's afgerig. Hy het 'n nasionale figuur geword nadat Natal hul eerste Curriebeker in 1990, hul eeufeesjaar, gewen het. Sy sukses met Natal het daartoe gelei dat hy die Springbokspan se afrigter geword het.

Die jaar voor die Wêreldbekertoernooi in 1995 word hy afgedank as nasionale afrigter ná 'n reeksnederlaag teen die All Blacks in Nieu-Seeland in middel-1994. In Oktober van daardie jaar aanvaar Kitch Christie 'n aanbod om by McIntosh oor te neem.

• (en) John Bishop (2000). Mac The Face Of Rugby. Don Nelson Publishers South Africa. ISBN 1-86806-190-6.

Hierdie rugby-artikel is ’n saadjie. Voel vry om Wikipedia te help deur dit uit te brei.

Hierdie artikel omtrent ’n Suid-Afrikaanse persoon is slegs ’n saadjie. Jy kan Wikipedia help deur dit uit te brei.