Jack Kerouac

Jack Kerouac
Foto geneem deur Tom Palumbo, omstreeks 1956
Gebore	Jean-Louis Kérouac (1922-03-12)12 Maart 1922 Lowell, Massachusetts, U.S.
Sterf	21 Oktober 1969 (op 47) St. Petersburg, Florida, U.S.
Nasionaliteit	Verenigde State
Beroep	Skrywer, digter en skilder
Bekend vir	On the Road, The Dharma Bums, Big Sur
Eggenoot	Edie Parker (1944–1948) Joan Haverty (1950–1951) Stella Sampas (1966–1969)
Handtekening

Jean-Louis "Jack" Kerouac (ˈkɛruːæk of ˈkɛrɵæk, * 12 Maart 1922 in Lowell, Massachusetts; † 21 Oktober 1969 in St. Petersburg, Florida) was 'n Amerikaanse skrywer, digter en skilder van Frans-Kanadese afkoms. Hy word as 'n literêre beeldestormer en naas William S. Burroughs en Allen Ginsberg as 'n baanbreker van die sogenaamde Beat Generation (Beat-generasie) beskou.^[1]

Kerouac geniet erkenning vir sy spontane manier van skryf waarby hy onderwerpe soos Katolieke spiritualiteit, jazz, promiskuïteit, Boeddhisme, dwelmmiddels, armoede en reis behandel. Hy het bekendheid as ondergrondse digter verwerf en saam met ander beat-skrywers een van die stamvaders van die hippie-beweging geword, alhoewel hy 'n antagonistiese houding teenoor dié beweging ingeneem het.

Die langdurige misbruik van alkohol word as oorsaak vir die interne bloeding aangevoer waaraan Jack Kerouac in 1969 op die ouderdom van 47 beswyk het. Ná sy afsterwe het hy nog wyer literêre aansien geniet en 'n aantal voorheen onbekende werke is postuum gepubliseer. Kerouac se werke word almal steeds herdruk, waaronder On the Road, Doctor Sax, The Dharma Bums, Mexico City Blues, The Subterraneans, Desolation Angels, Visions of Cody en Big Sur.

Wikimedia Commons bevat media in verband met Jack Kerouac.