John Anthony West

John Anthony West (gebore 9 Julie 1932 in New York Stad – 6 Februarie 2018) was 'n Amerikaanse skrywer, dosent, gids en 'n voorstaander van die Sfinks-watererosie-hipotese in Egiptiese geologie.

John Anthony West was die leierfiguur van die 'Simbolisme'-skool van Egiptologie, 'n alternatiewe interpretasie van antieke Egipte se gevorderde kultuur deur die Franse kundige en filosoof, R.A. Schwaller de Lubicz. In die Simbolisme-uitkyk word Egiptiese argitektuur en kuns met 'n ryker en meer universele wysheid benader as wat aanvanklik deur die konvensionele Egiptologie gemaak is.

Tydens 1993 het hy met Robert M. Schoch saamgewerk, 'n geoloog en medeprofessor in natuurlike wetenskap by die College of General Studies by Boston Universiteit. Hul werk is aangebied deur Charlton Heston in 'n spesiale NBC-program genaamd “The Mystery of the Sphinx”. Dit het aan West 'n "News & Documentary Emmy Award" besorg vir Beste Navorsing, asook 'n benoeming vir Beste Dokumentêr. Die dokumentêr wys dat die hooftipe verwering wat sigbaar is op die Groot Sfinks van Giza en die omliggende mure kon net veroorsaak gewees het deur langdurige en uitgebreide reënval tydens die periode vanaf 10 000 tot 5 000 v.C. Dit was uit kalksteen gekerf deur 'n gevorderde antieke kultuur (soos die Heavy Neolithic Qaraoun culture).^[1]  Dit het die konvensionele datering in twyfel getrek, wat aandui dat die standbeeld in ongeveer 2500 v.C. gebou is.

West het voorgestel dat die sfinks dalk twee keer ouer is as wat oorspronklik vasgestel is, alhoewel Schoch 'n meer konserwatiewe bepaling van 'n ouderdom tussen 5000 en 7000 v.C. gemaak het.