L. Ron Hubbard
From Wikipedia (Af) - Reading time: 4 min
L. Ron Hubbard | |
|---|---|
 | |
| Gebore | Lafayette Ronald Hubbard 13 Maart 1911 |
| Sterf | 24 Januarie 1986 (op 74) Creston, Kalifornië, VSA |
| Nasionaliteit | Amerikaans |
| Beroep | Skrywer, religieuse leier |
| Bekend vir | Stigter van Sciëntologie en die kerk daarvan |
| Handtekening | |
 | |
L. Ronald Hubbard (13 Maart 1911 - 24 Januarie 1986) was 'n Amerikaanse wetenskapsfiksieskrywer wat 'n eiehulpstelsel genaamd "Dianetika" ontwikkel het en vir die eerste keer in 1950 gepubliseer het. Oor die volgende drie dekades het Hubbard sy idees tot 'n wye reeks doktrines en rituele ontwikkel, as deel van 'n nuwe geloof wat hy Sciëntologie genoem het. Hubbard se skrywes het die leidende tekste van die Kerk van Sciëntologie geword.
Die gesiene dagblad Los Angeles Times beskryf L. Ron Hubbard as 'n "intelligente en uiters belese man, met 'n verskeidenheid belangstellings, ervarings en kennis op verskillende gebiede".[1] Ander weer beskryf Hubbard as 'n omstrede publieke figuur en wys daarop dat baie details van sy lewe steeds betwis word.[2] Amptelike Sciëntologie-biografieë beskryf hom as 'n groter-as-lewensgroot figuur wie se loopbaan vol bewonderenswaardige prestasies in 'n wye reeks vakgebiede is.[3] Baie van hierdie bewerings word in twyfel getrek deur voormalige Sciëntoloë en navorsers wat nie tot Sciëntologie gebind is nie en wat kritiese beskrywings van Hubbard geskryf het.[4]
Lafayette Ronald Hubbard is op 13 Maart 1911 in Tilden, Nebraska (VSA) gebore en het van jongs af 'n intense belangstelling gehad in die werking van die menslike verstand en denke. Volgens die Kerk van die Sciëntologie se amptelike biografie oor hom het hy as jong man die geleentheid gehad om verskeie wêreldreise aan te pak, waartydens hy onder meer in aanraking gekom het met Oosterse gelowe en filosofieë soos die Hindoeïsme, Boeddhisme en Taoïsme.
Hy het later onder meer wiskunde, ingenieurswese en kernfisika aan die George Washington-universiteit bestudeer en was ook 'n vlootoffisier tydens die Tweede Wêreldoorlog. Hubbard is swaar gewond in die Oorlog en dit was tydens die lang herstelperiode dat hy sy doktrine van Dianetics heeltemal kon formuleer. Hy het ook sy herstel toegeskryf aan die toepassing van elemente van hierdie doktrine op homself.
Dianetika
[wysig | wysig bron]In 1950 is die publikasie van L Ron (soos Sciëntoloë vandag na hom verwys) se boek Dianetics: The Modern Science of Mental Health begroet met skeptisisme deur baie lede van die wetenskaplike gemeenskap, maar die publiek was gou gaande daaroor. Aan die einde van dieselfde jaar is die Hubbard Dianetic Research Foundation gestig en is die beginsels van "Dianetics" (Dianetika) eers op verskeie plekke in die VSA en daarna ook in onder meer Nieu-Seeland, Australië en Suid-Afrika toegepas.
Twee komponente van verstand
[wysig | wysig bron]Volgens die doktrine van Dianetika bestaan die menslike verstand uit twee komponente, naamlik die analitiese en die reaktiewe. Die analitiese - soortgelyk aan Sigmund Freud se begrip van "ego" - is die bewustelike deel van die verstand wat 'n mens deurentyd gebruik. Wanneer 'n persoon egter blootgestel word aan negatiewe emosionele ervarings, skok of fisieke pyn, sluit die analitiese verstand outomaties af en neem die reaktiewe verstand sy funksies oor.
Die reaktiewe verstand neem in hierdie tye kennis van alles wat gebeur, maar wanneer die analitiese verstand later weer in beheer is, kan die persoon nie noodwendig die besonderhede onthou nie. Die "opnames" van die reaktiewe verstand word "engramme" genoem en as dit nie verwyder of "uitgevee" word nie, verhinder dit 'n mens om tot sy volle potensiaal te ontwikkel.
Tydens terapeutiese sessies wat ouditering genoem word, word die persoon gehelp om engramme op te spoor, deur te werk en uit te wis. Die doel van hierdie sessies, wat deur 'n "ouditeur" gelei word, is om die individu te help om "skoon" te word sodat sy analitiese verstand kan funksioneer sonder die negatiewe uitwerking van die reaktiewe verstand en sy engramme.
Verwysings
[wysig | wysig bron]- ↑ Los Angeles Times, 24 Junie 1990: Creating the Mystique. Besoek op 25 Mei 2020
- ↑ Christian D. von Dehsen (1999). Philosophers and Religious Leaders: An Encyclopedia of People Who Changed the World (Lives and Legacies Series). Phoenix, Ariz: Oryx Press. p. 90. ISBN 1-57356-152-5.
- ↑ "Writer & Professional in Dozens of Fields" (in Engels). Church of Scientology International. 1996–2009. Geargiveer vanaf die oorspronklike op 9 Januarie 2010. Besoek op 18 Februarie 2009.
{{cite web}}: CS1 maint: date format (link) - ↑ The Scientology Story. A six-part series in the Los Angeles Times, June 24–29, 1990. Besoek op 25 Mei 2020
Eksterne skakels
[wysig | wysig bron]- Johannesburg
- (en) L. Ron Hubbard Landmark Sites: Linksfield Ridge House, Johannesburg, South Africa
- (en) The Week, 29 Junie 2015: Inside L. Ron Hubbard's Johannesburg mansion, where Scientology's toughest test was born
- Media
- Eerbewyse
Normdata  |
|
|---|
EncycloReader
is supported by the 
KSF