Laeveld-kurper

Laeveldkurper
Uit die Sabierivier, Krugerwildtuin
Bewaringstatus
Bedreig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Cichlidae
Subfamilie:	Pseudocrenilabrinae
Tribus:	Haplochromini
Genus:	Serranochromis
Spesie:	S. meridianus
Binomiale naam
Serranochromis meridianus Jubb, 1967

Die Laeveldkurper (Serranochromis meridianus) is 'n varswatervis wat voorkom in die Sabierivier en kusmere van suidelike Mosambiek en die noorde van KwaZulu-Natal. In Engels staan die vis bekend as die Lowveld largemouth.

Die volwasse visse is olyfbruin tot geel met gelerige vinne en donkerrooi kolletjies. Die mannetjie se dorsalevin se rant is geel en die anale vin het oranje eierkolletjies op. Die onvolwasse vissie is bruin aan die bokant, silwer aan die sye en die onderkant. Daar is swart vertikale strepe oor die lyf en die middel van die skubbe is rooi en daar is donker rooi-swart kolletjies op die dorsale-, stert- en anale vinne. Die vis word tot 31 cm lank en weeg ongeveer 1,2 kg.

Die vis leef in staande water of poele waar die water stadig vloei met min plantegroei in en floreer in beskermde water. Die vis vreet klein vissies, insekte en ander ongewerweldes, insluitende slakke. Die mannetjie maak 'n nes skoon en trek voornemende wyfies aan met 'n bewerasie vertoning. Die eiers word met 'n reeks pogings gelê en dan bevrug alvorens die wyfie dit bymekaar maak om uit te broei.

• Alfabetiese lys van visse
• Kurper
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

• http://fishbase.org/summary/Serranochromis-meridianus.html

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1