Lions (Verenigde Rugbykampioenskap)

Lions
Embleem		Leeu
Stigting		1996 (Super 10 begin)
Unie		Goue Leeus Rugbyunie
Ligging		Johannesburg
Streek		Johannesburg, Noordwes, Mpumalanga
Stadion		Ellispark
Kapasiteit		59 611
President		Kevin de Klerk
Afrigter(s)		Ivan van Rooyen
Kaptein(s)		Marius Louw
Liga(s)		Verenigde Rugbykampioenskap
2022-23		4de, Suid-Afrikaanse Skild
Tuiskleure		Weg kleure
Statistiek
Meeste wedstryde		131 Elton Jantjies
Meeste punte		1183 Elton Jantjies
Meeste drieë		33 Courtnall Skosan
Eerste wedstryd
NSW Waratahs 32 – 11 Transvaal (1 Maart 1996)
Grootste oorwinning
Lions 94 – 7 Sunwolves (1 Julie 2017)
Grootste nederlaag
Brumbies 64 – 0 Cats (1 April 2000)
Unie webwerf
www.lionsrugby.co.za

Die Lions (tussen 1998 en 2006 bekend as die Cats) is 'n Suid-Afrikaanse rugbyunie wat aan Superrugby deelgeneem het van 1996 tot 2020, en sedert 2021 aan die Verenigde Rugbykampioenskap. Hulle het aanvanklik nie veel sukses in Superrugby behaal nie en het vyf keer heel onder aan die punteleer geëindig (in 1998, 2003, 2004 en 2008. Hulle het egter ook al daarin geslaag om drie keer tot die halfeindronde deur te dring (in 2000 en 2001 en 2018). Die huidige kaptein van die span is Burger Odendaal.

Die Lions speel in rooi en wit uitrusting en word tans deur Emirates geborg. Die span het op 'n stadium relegasie van die Super 14 in die gesig gestaar na 'n hofbevel waarin beslis is dat die Southern Spears die Suid-Afrikaanse span wat die swakste vaar in die kompetisie in 2006, sal vervang.^[1] Die Spears en die Suid-Afrikaanse Rugbyunie het egter 'n skikking bereik. In die skikking, wat op 16 November 2006 aangekondig is, is bepaal dat die Spears in 'n finansiële verknorsing sit en hul saak laat vaar het. Dit het die Lions verseker van 'n plek in die 2007-seisoen.^[2]

Nadat die span elke jaar heel laaste geëindig het van 2010 tot 2012, is hul weggelaat uit die 2013 Superrugbykompetisie en hul plek is deur die Southern Kings ingeneem, heelaas vir slegs een seisoen.

Toe die Super 12 in 1996 aangekondig is, het Australië en Nieu-Seeland konsessiegebaseerde modelle vir hul spanne in die nuwe toernooi geskep. Suid-Afrika het egter die vorige seisoen se Curriebeker gebruik om te bepaal watter provinsies aan die nuwe internasionale toernooi sal deelneem. Die Transvaalse Rugbyunie het gekwalifiseer om aan die heel eerse toernooi deel te neem en het drie van sy elf wedstryde gewen en sodoende tiende op die punteleër geëindig, bo die Canterbury Crusaders en die Westelike Provinsie.

Transvaal het weer gekwalifiseer vir die 1997-seisoen en het deelgeneem onder 'n nuwe naam: die Gauteng Lions. Die Lions se tweede seisoen was baie meer suksesvol as hul eerste. Die Lions het vyf wedstryde gewen, vyf verloor en een gelykop gespeel wat aan hulle 'n vyfde plek op die punteleër besorg het. Hulle was slegs twee punte agter die Natal Sharks en het net-net 'n plek in die uitspeelrondes gemis.

Die Curriebeker kwalifikasieproses is vir die 1998-seisoen deur SARU verander na provinsiale konsessies soortgelyk aan dié van Australië en Nieu-Seeland. Die Cats, of Golden Cats, is op die been gebring as een van die nuwe konsessies en is gesentreer om die Goue Leeus en het spelers van die Luiperds, Pumas, Cheetahs, Griffons en Griekwas gekry. Die Cats te tuisvelde was Ellispark in Johannesburg en die Vrystaatstadion in Bloemfontein.

Die Cats het in hul eerste twee jaar nie goed gevaar nie en was in 1998 laaste en in 1999 tweede laaste. Met die aanstelling van die Nieu-Seelandse afrigter, Laurie Mains, vir die 2000-seisoen het egter die span baie beter gevaar. Nadat hulle die Bulls in Pretoria in die eerste week geklop het, het hulle ook die Stormers in Johannesburg in die tweede week geklop. Hierdie twee seges is gevolg deur vier agtereenvolgende verliese, waarvan die laaste een teen die Brumbies die ergste was (64 - 0). Met die Cats se terugkeer het hulle hierdie reeks verliese omgekeer deur die Sharks in Durban met een punt te wen. Na 'n loslootjie in die agtste week het die Cats die res van die seisoen se wedstryde gewen en uiteindelik vierde op die punteleër geëindig, wat aan hulle 'n plek in die uitspeelrondes besorg het.

Die halfeindrondte is in Canberra, die Brumbies se tuisdorp, beslis en die Brumbies het met 28 - 3 gewen. Die 2001-seisoen het op 'n positiewe noot begin toe die Cats die Stormers met 29 - 24 geklop het en in die volgende week ook teen die Chiefs met 56 - 21 gewen het. Hulle het ook net-net teen die Brumbies verloor met 19 - 17. Die Cats het weer deurgedring tot die uitspeelrondes deur derde op die punteleër te eindig. Die Cats het egter weer in die halfeindronde vasgeval en het hierdie keer met 30 - 12 teen die Sharks verloor. Die volgende seisoene was minder goed vir die Cats en hulle het tussen 2002 en 2005 twee laaste plekke (2003 en 2004) en twee tweede laaste plekke (2002 en 2005) ingeneem. Die Super 12 is uitgebrei na 14 spanne vir die 2006-seisoen met die toevoeging van die Western Force van Australië en die Cheetahs van Suid-Afrika. Die Cats het in 2006 dertiende op die punteleër geëindig.

Op 8 September 2006 het die Goue Leeus Rugbyunie, die maatskappy wat die Goue Leeus en die Cats bestuur, aangekondig dat die span in die toekoms die Lions sal heet. Hulle het ook 'n nuwe logo bekend gestel.^[3][4]

In die dertiende week van die 2010-seisoen het die Lions hul twaalfde wedstryd vir die seisoen verloor. Dit beteken dat die Lions die Bulls se rekord van verliese in een seisoen verby gesteek het. Die Bulls het in 2002 geen van hul rondomtaliewedstryde gewen nie.

Op 16 Augustus 2012 is bekendgemaak dat die Lions nie aan die 2013 Superrugbyseisoen gaan deelneem nie. Die span is weens sy teleurstellende seisoen in 2012 weggelaat ten koste van die Southern Kings. Die span het egter die geleentheid om na afloop van die 2013-seisoen in twee promosie/relegasiewedstryde teen die swakste span in die Suid-Afrikaanse groep uit te speel.^[5]

Die span se basis is in Johannesburg en was nog altyd gesentreer om die Goue Leeus. Die meeste spelers van die Lions kom sedert 1996 van die Goue Leeus af. Daar is in latere jare ook spelers van die Luiperds (van Potchefstroom in Noordwes) en die Pumas (van Witbank in Mpumalanga) betrek by die Lions. Tot 2005 het die Cats spelers ook van die twee Vrystaatse unies, die Vrystaat Cheetahs (in Bloemfontein) en die Noord-Vrystaat Griffons (in Welkom) asook die Griekwas (van Kimberley in die Noord-Kaap) gekom. Hierdie ooreenkoms is egter beëindig toe die Cheetahs tot stand gekom het in 2006.

Spelers van die Vrystaat, Noord-Vrystaat en Griekwas speel nou vir die Cheetahs en die spanne van Noordwes en Mpumalanga het geskuif van die Bulls na die Lions. Voor 1998 het die Cats (die Goue Leeus om akkuraat te wees) aan die Super 12 deelgeneem as Transvaal.

Die tuisstadion van die Lions is Ellispark-stadion, in Johannesburg. 'n Hele paar wedstryde is op Ellispark gespeel tydens die Wêreldbeker in 1995, waaronder die eindstryd tussen die All Blacks van Nieu-Seeland en die Springbokke van Suid-Afrika. Suid-Afrika het die wedstryd om die Webb Ellis-trofee in die doodsnikke met 15 - 12 gewen.

Die volgende tabel som die Lions se Super 12-uitslae op:^[6]

Seisoen	Pos	Gespeel	Gewen	Gelyk	Verloor	Punte vir	Punte teen	+/-	BP	Pte	Notas
1996	10de	11	3	0	8	228	299	-71	4	16	as Transvaal
1997	5de	11	5	1	5	302	346	-44	6	28	as Goue Leeus (Transvaal)
1998	12de	11	2	0	9	266	346	-80	7	15
1999	11de	11	4	0	6	312	341	-29	6	22
2000	4de	11	7	0	4	320	334	-14	4	32	verloor in halfeindrondte teen ACT Brumbies
2001	3de	11	7	0	4	285	244	+41	6	34	verloor in halfeindrondte teen Sharks
2002	11de	11	1	0	9	217	370	-153	2	6
2003	12de	11	2	0	9	259	398	-139	4	12
2004	12de	11	1	0	10	294	459	-165	7	11
2005	11de	11	1	1	9	226	326	-100	7	13

Die volgende tabel som die Lions se Super 14-uitslae op:^[6]

Seisoen	Pos	Gespeel	Gewen	Gelyk	Verloor	Punte vir	Punte teen	+/-	BP	Pte	Notas
2006	13de	13	2	1	10	220	405	-185	5	15
2007	12de	13	5	0	8	175	284	-109	2	22
2008	14de	13	2	1	10	206	367	-161	2	12
2009	12de	13	4	0	9	294	419	-125	9	25
2010	14de	13	0	0	13	270	585	-315	5	5

Die volgende tabel som die Lions se Superrugby-uitslae op:

Seisoen	Pos	Gespeel	Gewen	Gelyk	Verloor	Punte vir	Punte teen	+/-	BP1	Pte	Notas
2011	14de	16	3	1	12	351	477	−126	7	25
2012	15de	16	3	0	13	317	460	−143	5	25
2013	Het nie deelgeneem nie.										Deur die Southern Kings vervang.
2014	12de	16	7	0	9	367	413	−46	3	31
2015	8ste	16	9	0	7	342	364	−22	4	42

¹ Punte toegeken vir ’n loslootjie is nie hierby ingereken nie.

Die volgende tabel som die Lions se Superrugby-uitslae vir die uitgebreide toernooi van agttien spanne op:

Seisoen	Pos Alg	Pos Groep	Gespeel	Gewen	Gelyk	Verloor	Punte vir	Punte teen	+/−	BP1	Pte	Notas
2016	2de	1ste	15	11	0	4	535	349	+186	7+1	52	Verloor eindstryd teen Hurricanes
2017	1ste	1ste	15	14	0	1	590	268	+322	9	65	Verloor eindstryd teen Crusaders

Tensy anders aangedui, word alle spelers deur Wêreldrugby as Suid-Afrikaanse burgers geag.

Lions 2017 Superrugbyspan

• 1997: Ray Mordt
• 1998: Peet Kleynhans
• 1999: Andre Markgraaff
• 2000-2001: Laurie Mains
• 2002: Rudi Joubert
• 2003: Tim Lane
• 2004-2005: Chester Williams
• 2006: Frans Ludeke
• 2007-2009: Eugene Eloff
• 2010: Dick Muir
• 2010-2011: John Mitchell
• 2012-2017: Johan Ackermann
• 2018-: Swys de Bruin

Wikimedia Commons bevat media in verband met Lions (Superrugbyspan).

• (en) CatsRugby.co.za Geargiveer 10 Junie 2006 op Wayback Machine
• (en) lionsrugby.co.za