Mangaung-gevangenis
From Wikipedia (Af) - Reading time: 2 min
| Mangaung-gevangenis | ||
| Ligging | ||
| Stad/dorp | Bloemfontein | |
| Staat/provinsie | Vrystaat | |
| Land | Suid-Afrika | |
| Inligting | ||
| Kapasiteit | 2 000 | |
| Bestuur deur | G4S | |
Die Mangaung-gevangenis is 'n privaat bestuurde tronk in Bloemfontein in die Vrystaat, Suid-Afrika. Die gevangenis word deur die maatskappy G4S as deel van 'n konsortium bestuur. Die Suid-Afrikaanse Departement van Korrektiewe Dienste het in 2000 'n kontrak vir 25 jaar met die konsortium onderteken. Die tronk kan ongeveer 2 000 prisoniers akkommodeer.
Die gevangenis was in Oktober 2013 in die nuus nadat die departement die bestuur van die gevangenis tydelik oorgeneem het. In September van daardie jaar is 330 lede van Popcru afgedank nadat hulle geweier het om ná 'n staking terug te keer werk toe. In Oktober is 'n vroulike bewaarder 13 uur lank as gyselaar gehou deur gevangenes. Sy is later ongedeerd deur 'n spesiale taakspan van die polisie gered.[1]
2022 ontsnapping
[wysig | wysig bron]Nadat hy op 3 Mei 2022 'n “selfverbranding” in sy sel gereël het, het Thabo Bester met die oënskynlike hulp van die wagte uit die Mangaung-korrektiewe sentrum ontsnap.[2]
Sien ook
[wysig | wysig bron]Verwysings
[wysig | wysig bron]- ↑ Mangaung-tronk weer onder G4S se beheer, besoek op 2 Augustus 2014
- ↑ "Claims guards aided killer fake death in S. Africa jailbreak". AP NEWS (in Engels). 12 April 2023. Besoek op 18 April 2023.
EncycloReader
is supported by the 
KSF