Matthias Claudius

Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas.

Matthias Claudius
Gebore	(1740-08-15)15 Augustus 1740 Reinfeld, Hertogdom van Holstein
Sterf	21 Januarie 1815 (op 74) Vrye Stad van Hamburg
Nasionaliteit	Duits

Matthias Claudius (15 Augustus 1740 – 21 Januarie 1815) was 'n Duitse digter en joernalis, ook bekend aan die pennaam “Asmus”.

Claudius is in Reinfeld, naby Lübeck gebore, en het in Jena gestudeer. Hy het die grootste deel van sy lewe in die dorpie Wandsbek naby Hamburg spandeer, waar hy sy eerste literêre reputasie verdien het deur vanaf 1771 tot 1775 'n koerant genaamd Der Wandsbecker Bote (Die Wandsbeker) (was Wandsbeck gespel met 'n "ck" tot die jaar 1879. Vandag word dit egter slegs met 'n "k" gespel) te redigeer.

Hy het 'n groot aantal prosastukke en gedigte in die koerant gepubliseer. Hulle was in eenvoudige en suiwer Duits geskryf, en het by die populêre smaak van die tyd aangesluit. In baie was daar 'n weerklank van uitbundige en buitensporige humor of selfs die burleske, terwyl andere weer vervul was van stille meditasie en plegtige sentiment.

Tydens sy vroeëre dae, miskien te wyte aan die invloed van Klopstock saam met wie hy 'n intieme verhouding gevorm het, het Claudius sterk piëtisties geword, en die diepgaande kant van sy geaardheid het homself geopenbaar. In 1814 het hy na Hamburg na die huis van sy skoonseun, die uitgewer Friedrich Christoph Perthes getrek, waar hy op 21 Januarie 1815 gesterf het.

Claudius se gedig Dood en die Maagd, was in 1817 deur die komponis Franz Schubert gebruik vir sy mees gevierde Liedere, wat op sy beurt die basis sou word vir Schubert se 1824 strykkwartet van dieselfde naam.

Claudius se versamelde werke was gepubliseer onder die titel van Asmus omnia sua secum portans, oder Sämtliche Werke des Wandsbecker Boten (8 vols., 1775–1812; 13de uitgawe, deur C. Redich, 2 vols., 1902).

Sy biografie was geskryf deur Wilhelm Herbst (4de uitgawe, 1878). Sien ook M. Schneidereit, M. Claudius, seine Weltanschauung und Lebensweisheit (1898).

• Abendlied ("Aandlied"), ook bekend as "Der Mond ist aufgegangen" ("Die Maan het gerys")
• "Der Mensch lebt und bestehet", vir musiek getoonset deur Max Reger
• "Christiane"
• "Die Sternseherin Lise" (Lise die astroloog)
• "Die Liebe" (Liefde)
• "Der Tod (Dood)
• "Ein Wiegenlied bei Mondschein zu singen" ('n wiegeliedjie om in maanlig te sing)
• "Täglich zu singen" (Om elke dag gesing te word)
• "Sjabloon:Interlanguage link multi" (Lied van oorlog)
• "Der Frühling. Am ersten Maimorgen" (Die Lente. Op die eerste oggend in Mei)
• "Der Säemann säet den Samen" (Die saaier saai die sade)
• "Der Tod und das Mädchen" (Die Dood en die Maagd), vir musiek getoonset deur Schubert
• "Wir pflügen und wir streuen" (Ons ploeg die lande en strooi - gesing in Duitsland en Engeland as 'n oes-himne)

• Asteroïde 7117 Claudius is genoem na Claudius.

Hierdie artikel is in sy geheel of gedeeltelik vanuit die Engelse Wikipedia vertaal.

• Reinhard Görisch: Matthias Claudius oder Leben als Hauptberuf. Marburg: Francke ²2014.
• Jahresschriften der Claudius-Gesellschaft, Kiel: Stamp media 1992ff.

• Werke deur of oor Matthias Claudius op die Internet Archive
• Settings of Matthias Claudius' poetry in the Choral Public Domain Library