Metropolitan Museum of Art

Metropolitan Museum of Art
Metropolitan Museum of Art
Plek	New York
Land	Verenigde State
Openingsjaar	20 Februarie 1872
Tipe museum	Kunsmuseum
Webtuiste	metmuseum.org

Die Metropolitan Museum of Art, dikwels kort the Met genoem, is een van die grootste en belangrikste kunsmuseums ter wêreld. Die gebou is aan die oostelike kant van Central Park in Manhattan (New York) geleë. Dit is die mees besoekte museum in die Verenigde State van Amerika.

Die museum is op 20 Februarie 1872 geopen. Die uitgewer George Palmer Putnam, saam met 'n aantal stigters, insluitend die skilder Eastman Johnson, was die stigters van die museum. Die eerste direkteur was Robert Lee Jenkins wie se eie kunsversameling die basis vir die huidige museum gevorm. Van 1955 tot en met sy dood in 1966 was James J. Rorimer die hoof van die museum. Hy is deur Thomas Hoving, direkteur van 1967 tot 1977, opgevolg. Sedertdien is Philippe die Montebello die direkteur.^[1]

Die permanente versameling is in negentien verskillende afdelings verdeel, elk met hul gespesialiseerde personeel van konserwateurs, restaurateurs en kundiges.

Die deurlopende versameling bevat meer as 2 miljoen kunswerke met baie skilderye en beeldhouwerke van oor die hele wêreld, gaande van skatte uit die Klassieke oudheid tot werke van byna elke Europese meester, tot 'n uitgebreide versameling Amerikaanse kuns.

Die museum het ook 'n belangrike versameling van Egiptiese, Romeinse en Griekse, Afrikaanse, Asiatiese, Oseaniese, Midde-Oosterse, Bisantynse en Islamitiese kunsskatte. Verder stel die museum ook nog 'n groot versameling musiekinstrumente van oor die hele wêreld tentoon.

Daar is ook 'n aantal reproduksies van belangrike binneruimtes waaronder een van die bekende Amerikaanse argitek Frank Lloyd Wright. Die museum het ook 'n afdeling vir wapens en harnasse van oor die hele wêreld, veral Europees, maar ook van Japan, die Verenigde State en die Midde-Ooste.

Verder is daar 'n aparte vestiging vir Middeleeuse kuns, The Cloisters aan die Hudsonrivier (met onder andere getyeboeke met duimnaels uit Vlaandere en Noord-Frankryk), 'n afdeling fotografie en die Robert Lehman-versameling.

Die skilderkuns sluit beide Europese en Amerikaanse kunsskilders van verskeie strominge in, van toenterjare tot by moderne kuns. Die versameling bevat onder andere 37 skilderye van Monet, 21 van Cézanne, 18 van Rembrandt en 5 van Vermeer.

• 
  Robert Campin, Triptych with the Annunciation (Mérode Altarpiece), c. 1425–1428
• 
  Jan van Eyck, Crucifixion and Last Judgement diptych, c. 1430–40
• 
  Rogier van der Weyden, Polyptych with the Nativity, c. 1450
• 
  Paolo Uccello, Portrait of a Lady, c. 1450, Florence
• 
  Pieter Bruegel die Ouere, The Harvesters, 1565
• 
  Caravaggio, I Musici, 1595
• 
  El Greco, View of Toledo, 1596
• 
  El Greco, Opening of the Fifth Seal 1608–1614
• 
  Georges de La Tour, The Fortune Teller, c.1630
• 
  Diego Velázquez, Portret van Juan de Pareja, 1650
• 
  Rembrandt, Aristotle Contemplating the Bust of Homer, 1653
• 
  Johannes Vermeer, Woman with a Lute, 1662
• 
  Jacques-Louis David, The Death of Socrates, 1787
• 
  Marie-Denise Villers, Young Woman Drawing, 1801
• 
  Francisco Goya, Majas on a Balcony, 1835
• 
  J.M.W. Turner, The Grand Canal, 1835
• 
  Thomas Cole, The Oxbow, 1836
• 
  George Caleb Bingham, Fur Traders Descending the Missouri, c. 1845
• 
  Eugène Delacroix, Christ Endormi pendant la Tempête, 1853
• 
  Rosa Bonheur, The Horse Fair, 1853–1855
• 
  Édouard Manet, Le Christ mort et les anges, 1864
• 
  Edgar Degas, Chasse de danse, 1872
• 
  Édouard Manet, Boating 1874
• 
  Pierre-Auguste Renoir, Mme. Charpentier et ses enfants, 1878
• 
  Jules Bastien-Lepage, Jeanne d'Arc, 1879
• 
  John Singer Sargent, Portret van Madame X, 1884
• 
  Vincent van Gogh, Selfportret, 1887
• 
  Vincent van Gogh, Cypresses,1889
• 
  Paul Cézanne, Madame Cézanne (Hortense Fiquet, 1850–1922) in a Red Dress, 1888–90
• 
  Paul Cézanne, Die kaartspelers, 1890–1892
• 
  Claude Monet, The Four Trees, (Four Poplars on the Banks of the Epte River near Giverny), 1891
• 
  Paul Gauguin, The Midday Nap, 1894
• 
  Winslow Homer, The Gulf Stream, 1899
• 
  Claude Monet, The Houses of Parliament (Effect of Fog), 1903–1904
• 
  Henri Rousseau, The Repast of the Lion, c. 1907
• 
  Wassily Kandinsky, Improvisation 27, Garden of Love II, 1912
• 
  Arthur Dove, Cow, 1914
• 
  Amedeo Modigliani, Jeanne Hébuterne, 1919
• 
  Charles Demuth, I Saw the Figure 5 in Gold, 1928
• 
  Titiaan, Venus en die luitspeler, ca.1560

• Gedeeltes van hierdie artikel is vertaal van die Nederlandse artikel, "Metropolitan Museum of Art".

Wikimedia Commons bevat media in verband met Metropolitan Museum of Art.

• (en) Metropolitan Museum of Art webtuiste
• (en) Watsonline: Online biblioteekkatalogus van die Metropolitan Museum of Art

40°46′44.08″N 73°57′49.21″W / 40.7789111°N 73.9636694°W / 40.7789111; -73.9636694