Mopani-ruskamp

Mopaniruskamp
Mopanikamp se ingangshek.
Land	Suid-Afrika
Provinsie	Limpopo
Naaste dorp	Phalaborwa
Mopaniruskamp Ligging in Limpopo
Koördinate: 23°31′14.5″S 31°23′48.8″O / 23.520694°S 31.396889°O / -23.520694; 31.396889
Bestuursliggaam	SANParke

Mopani is 'n ruskamp vir oornagbesoekers in die sentrale gedeelte van die Krugerwildtuin, Suid-Afrika. Dit lê langs die noordelike oewer van die Pionierdam aan die Tsendzerivier.

Mopani was een van die eerste kampe om 'n sonsondergangrit en bomabraai kombinasie-aktiwiteit aan te bied. Die allesingeslote braai word deur parkpersoneel in 'n boma naby die kamp aangedied. Verder is daar ook begeleide boswandelings, wildritte, bosontbyte en bosbraaie. Die westelike gedeelte van die kamp bevat 'n staproete langs die heining, met 'n pragtige uitsig oor die dammeer.^[1]

Mopani is net 12 km suid van die Steenbokskeerkring. Daar is 'n naambord en parkeerplek aan die teerpad noord van die kamp by die keerkring. Besoekers word toegelaat om by hierdie plek uit hul voertuie te klim (op eie risiko). Suid van die kamp op die suidelike oewer van die rivier (alhoewel 'n 4 km se ry) is die Pioneerdam se voëlskuiling, sowel as die Shipandani-slaapskuiling.^[2]

Mopani is 'n slegs 'n kothuiskamp wat geen kampeergeriewe bied nie. Dit het slaapplek vir tot 498 mense in 'n verskeidenheid bungalows, kothuise en gastehuise. Die Xanatseni gastehuis het slaapplek vir 'n verdere 8 besoekers.

Op die suidelike oewer van die Tsendzerivier 'n entjie stroomaf van Mopani is die Shipandani-oorslaapvoëlskuiling. Alhoewel dit 'n standaardskuilplek gedurende die dag is, kan dit vir oornagverblyf bespreek word vir 2-6 gaste. Die skuilplek bied redelik primitiewe verblyf, met geen elektrisiteit nie en slegs 'n buitetoilet. 'n Buitekombuisie, insluitend eetgerei en breekware, is ook beskikbaar vir bespreekte gaste.^[2]

Benewens die restaurant, winkel, wassery en vulstasie, bied Mopani 'n konferensiesentrum met tot 300 sitplekke.^[3]