Nasionale park

'n Nasionale park is 'n park wat deur die regering van 'n land as 'n nasionale beskermde gebied geproklameer is. Die doel van nasionale parke is gewoonlik om die diere, plante en landskap wat daar voorkom te beskerm en vir die nageslag te bewaar. Hierdie nasionale parke is oor die algemeen 'n trekpleister vir toeriste, wat ook hul grootste bron van inkomste is.

Daar is verskeie nasionale parke oor die wêreld. Die Yellowstone Nasionale Park is in 1872 in die VSA geproklameer en word as die eerste nasionale park beskou. Die Noordoos-Groenland Nasionale Park, wat in 1974 tot stand gebring is, is die grootste nasionale park ter wêreld.

Suid-Afrika se bekendste nasionale park is die Krugerwildtuin, wat ook die grootste en oudste in die land is. Dit beslaan 'n gebied van 19 485 km² en is in 1926 as park geproklameer.

• Suid-Afrikaanse Nasionale Parke
• Natuurreservaat

Wikimedia Commons bevat media in verband met National parks.

Sien nasionale park in Wiktionary, die vrye woordeboek.

Wikiquote het aanhalings in verband met Nasionale park

Toerisme-inligting oor Nasionale park op Wikivoyage

Hierdie artikel is ’n saadjie. Voel vry om Wikipedia te help deur dit uit te brei.