Encyclosphere.org ENCYCLOREADER
  supported by EncyclosphereKSF

Neotel

From Wikipedia (Af) - Reading time: 3 min
Neotel (SA) Bpk.
Tipe Privaat-maatskappy
Gestig 31 Augustus 2006[1]
Hoofkantoor Midrand, Johannesburg, Gauteng, Suid-Afrika
SleutelpersoneSunil Joshi (besturende direkteur)
Steve Whiley (hoof finansiële beampte)
Industriekommunikasie dienste
Webwerfneotel.co.za

Neotel (SA) Bpk., voorheen SNO Telecommunications, is die tweede nasionale operateur (TNO) (Engels: SNO, vir Second National Operator) om vastelyn-telekommunikasiedienste in Suid-Afrika te lewer. Die maatskappy is op 31 Augustus 2006 in Kyalami in die noorde van Johannesburg bekendgestel. Neotel is die eerste maatskappy in Suid-Afrika wat direk met Telkom meeding in die vastelyn-telekommunikasiesektor.

Die nuwe maatskappy kondig hulle besigheidsdienste op 15 November 2007, en hulle verbruikersdienste in Mei 2008 aan. Hulle besigheidsdienste sluit plaaslike en internasionale huurlyne (leased lines), asook 'n suite van stem-, data- (VPN), en Internetaanbiedings wat oor hulle versmelte, volgende-generasie netwerk gelewer word in.[2] Hulle internasionale transitodienste was al vanaf September 2006 in die groothandel beskikbaar gewees.[3][4] Hulle beplan om onder andere draadlose breëband tegnologieë in te span, wat nie net vir dataoordrag gebruik sal word nie, maar ook vir stemoordrag in die vorm van VOIP.[5]

Met die koms van 'n mededinger word verwag dat pryse in terme van hoëspoed internet (gemiddeld 250 Kb/s tot 750 Kb/s CDMA2000), breëband deur WiMax, en later ook hoëspoed breëband (xDSL en optiese vesel) verlaag sal word.[6][7] Suid-Afrika het vir baie jare slegs 'n enkele telekommunikasiediens, naamlik Telkom gehad, wat gedeeltelik deur die regering besit word. Mense sal vir die eerste keer 'n keuse hê om telekommunikasiedienste vanaf enige van die twee maatskappy te bekom.

Omstredenheid

[wysig | wysig bron]

Verskeie klagtes van gebruikers in verband met kontrakbreuk en swak diens word gelys op forums soos myADSL en hellopeter.com.

Geskiedenis

[wysig | wysig bron]

Die telekommnikasiewet is in 2001 gewysig om die sektor vir 'n mededinger oop te stel.[8] Die aanvanklike aandeelhouers van die Tweede Nasionale Operateur (TNO) is geïdentifiseer as Eskom en Transnet.[9] Die oorblywende aandele is vroeg in 2002 op die mark beskikbaar gestel.[10] Die aandeelhouerooreenkoms is op 15 Augustus 2005 geteken.[11] Na die ondertekening is die lisensie se terme en voorwaardes in Maart 2006 gefinaliseer, en die maatskappy amptelik in Augustus 2006 van stapel gestuur.[12]

Sien ook

[wysig | wysig bron]

Verwysings

[wysig | wysig bron]
  1. ↑ (en) "Neotel FAQ". Geargiveer vanaf die oorspronklike op 24 September 2006. Besoek op 1 Oktober 2006.
  2. ↑ Neotel webwerf Geargiveer 14 Oktober 2007 op Wayback Machine, besoek op 15 November 2007
  3. ↑ "Neotel gives Telkom taste of competition" deur Lesley Stones, Businessday, 1 September 2006, besoek op 25 September 2006
  4. ↑ "Say hello to Neotel, SA's second national operator" Geargiveer 27 September 2007 op Wayback Machine deur Hila Bouzaglou en I-Net Bridge, Mail & Guardian Online, 31 Augustus 2006, besoek op 25 September 2006
  5. ↑ Neotel webwerf Geargiveer 24 September 2006 op Wayback Machine, besoek op 25 September 2006
  6. ↑ "Neotel: ‘Telecoms prices should be 25% of what it is now’" deur MyBroadband, 7 September 2006, besoek op 25 September 2006
  7. ↑ "Neotel Broadband - xDSL and Fibre on the cards" deur MyBroadband, 10 Julie 2007, besoek op 11 July 2007.
  8. ↑ "Telecoms bill passed but SNO cloud hangs" Geargiveer 27 September 2007 op Wayback Machine deur Lynda Loxton en Reuters, Business Report, 17 November, 2001, besoek op September 25, 2006
  9. ↑ "Transtel, Eskom will be Telkom competition, says Radebe", deur ITWeb, 11 Augustus, 2000, besoek op 25 September 2006
  10. ↑ "ITA sets SNO bidders to work", deur Phillip de Wet, ITWeb, 27 Mei 2002, besoek op 25 September 2006
  11. ↑ "Second network operation to launch this month" deur Helene Le Roux, Creamer Media's Engineering News, 25 Augustus 2006, besoek op 25 September 2006
  12. ↑ "The SNO is finally here" Geargiveer 1 April 2008 op Wayback Machine, deur Jackie Mackenzie, business.iafrica.com, 31 Augustus 2006, besoek op 25 September 2006

Eksterne skakels

[wysig | wysig bron]
Licensed under CC BY-SA 3.0 | Source: https://af.wikipedia.org/wiki/Neotel
3 views |
↧ Download this article as ZWI file
Encyclosphere.org EncycloReader is supported by the EncyclosphereKSF