Pontivy

Pontivy Pondi
Die kasteel van die Rohan-gesin
Wapen
Pontivy
Koördinate: 48°04′00″N 2°59′00″W / 48.06667°N 2.98333°W / 48.06667; -2.98333
Land	Frankryk
Gewes	Bretagne
Département	Morbihan
Arrondissement	Pontivy
Kanton	Pontivy
Regering
• Burgemeester	Henri Le Dorze
Oppervlak
• Stad	24,85 km2 (9,59 vk. myl)
Hoogte	48–192 m (157–630 ft)
Bevolking
• Stad	13 693
• Digtheid	551/km2 (1 430/vk. myl)
• Metro	23 075
Poskode	56300
Skakelkodes	56178
Webwerf	pontivy.fr

Pontivy (Bretons: Pondi) is 'n stad teen die Blavetrivier in die département Morbihan (Bretagne, Noordwes-Frankryk) met 'n oppervlak van 24,85 vierkante kilometer en 13 693 inwoners (2008). Dit is die onderprefektuur van die gelyknamige arrondissement en die hoofstad van 'n kanton.

Pontivy word in die 7de eeu deur die monnik Ivy gestig. Hy laat 'n brug oor die Blavetrivier oprig, wat sy naam aan die stad verleen.

Op 18 Brumaire van die jaar XII van die Franse Rewolusie (9 November 1804) is die naam van Pontivy verander na Napoléonville. Ná die ontmagting van Napoléon Bonaparte kry die stad sy oorspronklike naam terug, wat later nog eens gewysig is na Bourbonville. Onder die heerskappy van Napoléon III vind die tweede naamsverandering na Napoléonville plaas.

Die bekendste historiese geboue is die basiliek Notre-Dame-de-Joie en die kasteel van die adellike gesin Rohan, wat teen die einde van die 15de eeu opgerig is. Pontivy tree op as gasheer van die eindronde van Kan ar Bobl ("Sang van die Volk"), 'n jaarlikse Bretonse musiekwedstryd.