Pous Pius I

Pous Pius I
Geboortenaam	Pius
Pontifikaat begin	140 of 146
Pontifikaat eindig	157 of 161
Voorganger	Higinus
Opvolger	Anicetus
Gebore	Aquileia, Illyrië, Italië
Sterf	157 of 161 Rome, Italië
Ander pouse genaamd Pius

Pius I was die tiende pous van die Rooms-Katolieke Kerk.

Pous Pius I^[1] is in Illyrië gebore vermoedelik in die dorp Aquileia in Noord-Italië en oorlede in 157 of 161. Die naam Pius beteken “Die Vrome”. In 140 of 146 volg hy Pous Higinus op en word na sy dood opgevolg deur Pous Anicetus. Sy vader se naam was Rufinus en sy broer Hermas. Hermas was waarskynlik die skrywer van Die Herder van Hermas. Hermas noem homself 'n slaaf, dit versterk die vermoede dat Pius I self 'n vrygelate slaaf was.

Hy word beskou as die oprigter van een van die oudste kerke in Rome, die Santa Pudenziana. Hy het baie met die gnostisisme te kampe gehad.

Pius I sou met 'n swaard vermoor gewees het. Hy word as martelaar en heilige vereer en word in die brevier genoem. Sy feesdag is op 11 Julie.

• Duchesne, (Ed.) Liber Pontificalis, I.
• Preuschen, (Ed.) Analecta I, Tubingen 1910.

Wikimedia Commons bevat media in verband met Pius I.

• CE Inskrywing in die Catholic Encyclopedia (Engels)

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)

Saamgestel uit die Nederlandse, Engelse en Duitse wiki.