Quimper

Quimper • Kemper
Kaart	Wapen
	Vlag
Land	Frankryk
Région (gewes)	Bretagne
Département	Finistère
Koördinate	48°00′N 5°47′W / 48.000°N 5.783°W / 48.000; -5.783
Stigting
Oppervlakte:
- Totaal	84,45 vk km
Hoogte bo seevlak	-5-151 m
Bevolking:
- Totaal (2009)	63 387
- Bevolkingsdigtheid	751/vk km
- Metropolitaanse gebied	123 999
Tydsone	UTC +1
- Somertyd	UTC +2
Burgemeester	Bernard Poignant
Amptelike webwerf	quimper.bzh

Quimper (Bretons: Kemper) is die hoofstad (préfecture) van die Bretonse département Finistère (Noordwes-Frankryk) met 63 387 inwoners (2009).

Die Bretonse naam Kemper (samevloeiing) is afgelei van die geografiese ligging van die stad by die samevloeiing van die riviere Frout, Steir en Odet. Die oorspronklike naam van Quimper is Quimper-Corentin (Bretons: Kemper-Kaorentin), 'n verwysing na die heilige Corentin, die eerste biskop van die stad. Tydens die Franse Rewolusie is hierdie Christelike naam gewysig na Montage-sur-Odet.

Quimper is naas Rennes een van die kulturele sentrums van die Bretagne. Die eerste leksikon in die Bretonse taal, die Catholicon uit die jaar 1499, word in die plaaslike biblioteek bewaar.

Quimper staan bekend vir sy aardewerk (faïence), wat hier sedert vier eeue vervaardig word, en die Festival de Cornouaille, een van die gewildste Bretonse feeste, wat sedert die jaar 1923 gevier word en jaarliks meer as 'n kwart miljoen besoekers lok.