Quimperlé

Quimperlé Kemperle
Die basiliek Sainte-Croix
Wapen
Quimperlé
Koördinate: 47°52′00″N 3°33′00″W / 47.86667°N 3.55000°W / 47.86667; -3.55000
Land	Frankryk
Gewes	Bretagne
Département	Finistère
Arrondissement	Quimper
Kanton	Quimper
Regering
• Burgemeester	Alain Pennec
Oppervlak
• Totaal	31,73 km2 (12,25 vk. myl)
Hoogte	2–83 m (6,6–272 ft)
Bevolking
• Totaal	11 088
• Digtheid	349/km2 (900/vk. myl)
Poskode	29300
Skakelkodes	29233
Webwerf	quimperle.com/

Quimperlé (Bretons: Kemperle) is 'n Franse stad met sowat 11 000 inwoners in die département Finistère (région Bretagne), by die vereniging van die Ellé- en Isoleriviere.

Met sy ligging op 'n soort "Suikerbroodberg" van graniet lyk dit soos 'n weergawe van die beroemde Mont-Saint-Michel. Maar dit is in die besonder sy argitektuur wat talle toeriste trek, met geboue uit die middeleeue en die Rénaissance. Die skilder Paul Gauguin besoek die stad in die somer van 1886. Hier kry hy sy eerste indruk van die Bretagne, wat vir hom talle motiewe oplewer. As die geboortestad van die Bretonse skrywer Théodore Hersart de la Villemarqué speel Quimperlé ook 'n belangrike rol in die literêre geskiedenis van die région. Quimperlé het twee strande, Le Pouldu en Kerfany, en die bekende Riec-sur-Belon wat fynproewers met oesters vereenselwig.

• Die basiliek Sainte-Croix is een van die mooiste in Frankryk, met 'n kripta uit die 11de eeu.
• Die Gotiese kerk Notre Dame de l'Assomption en die Ursulieneklooster met sy kapel uit die tydperk van die Sonkoning, Lodewyk XIV, is twee ander bekende religieuse geboue van Quimperlé.
• Die Huis van die Boogskutters wat tussen 1470 en 1500 opgerig is, huisves vandag die Museum vir Bretonse Tradisies.
• In die omgewing van die stad lê die woud van Carnoët, die bouvalle van die abdy Saint-Maurice en Pont-Aven, die stad van die skilders en kunstenaars.

• Vivre Quimperlé - Die amptelike webwerf van Quimperlé