Sarajevo

Sarajevo Сарајево
Kaart	Wapen
	Vlag
Land	Bosnië en Herzegowina
Koördinate	43°52′N 18°25′O / 43.867°N 18.417°O / 43.867; 18.417
Stigting	1461
Oppervlakte:
- Totaal	141,5 vk km
Hoogte bo seevlak	518 m
Bevolking:
- Totaal (2013)	448 646
- Bevolkingsdigtheid	2 157,2/vk km
- Metropolitaanse gebied	688 354
Tydsone	UTC +1 (MET)
- Somertyd	UTC +2 (MEST)
Burgemeester	Ivo Komšić (SDU)
Amptelike Webwerf	www.sarajevo.ba

Sarajevo (Cyrillies: Сарајево, [sǎrajeʋo]) is die hoofstad en met 'n bevolking van 448 646 ook die grootste stad van Bosnië en Herzegowina. Die stad is langs die Miljacka-rivier in die Sarajevo-vallei geleë en word deur die Dinariese Alpe omring.

Sarajevo het vroeër veral vir sy godsdienstige diversiteit bekend gestaan. Hier het aanhangers van Islam, die Ortodokse Christendom, Katolisisme en Judaïsme eeue lank vreedsaam saamgeleef.

Alhoewel die eerste menslike nedersettings in die gebied in die prehistoriese tydperk terugstrek, het die moderne Sarajevo uit 'n 15de eeuse Ottomaanse vesting ontstaan. Die stad het verskeie kere in sy geskiedenis internasionale aandag getrek. Die moord op aartshertog Frans Ferdinand van Oostenryk en sy vrou Sophie in 1914 was die vonk wat die Eerste Wêreldoorlog laat ontvlam het. Sewentig jaar later het Sarajevo as die gasheerstad van die Olimpiese Winterspele opgetree. Die beleg van Sarajevo tydens die Bosniese onafhanklikheidsoorlog tussen 1992 en 1996 vorm een van die donkerste periodes uit die geskiedenis van die stad.

Die heropbou duur steeds voort, maar Sarajevo is lankal die beduidendste kulturele en ekonomiese sentrum in Bosnië en Herzegowina.

• Wikimedia Commons het meer media in die kategorie Sarajevo.
• (en) Toerisme-inligting oor Sarajevo op Wikivoyage
• (bs) (hr) (sr) (en) Amptelike webwerf
• (en) "Sarajevo". Encyclopædia Britannica. Besoek op 27 April 2019.

Hierdie artikel is ’n saadjie. Voel vry om Wikipedia te help deur dit uit te brei.