Sedis vacatio

Sedis vacatio of sede vacante, van die Latyn vir "leë stoel", is die toestand waarin die setel van 'n biskop nie beset is nie. Die toestand word veroorsaak deur die afsterwe, aftrede of verplasing van 'n biskop.

In die geval van 'n sedis vacatio van die biskop van Rome (die Pous) word die pligte van die pous waargeneem deur die kollege van kardinale. Die kollege besit egter nie pouslike mag nie en mag slegs dringende lopende sake afhandel. In baie uitsonderlike gevalle kan die kollege wel dekrete uitvaardig, maar hulle moet later deur die nuwe pous bevestig word.

Daar bestaan 'n groep tradisionele Rooms-Katolieke wat glo dat na die dood van Pous Pius XII daar nie meer wettige pouse gekies is nie. Die stroming word Sedisvakantisme genoem.

• Heilige Stoel

• Wikimedia Commons het meer media in die kategorie Sedis vacatio.

Hierdie artikel is ’n saadjie. Voel vry om Wikipedia te help deur dit uit te brei.