Slowene

Hierdie artikel handel oor die etniese groep. Vir die taal, sien Sloweens. Moenie verwar word met Slowake nie.

Slowene
Totale bevolking:	ca. 2–2,5 miljoen[1]
Belangrike bevolkings  in:	Slowenië ~1,6 miljoen[2]  Verenigde State 164 634–178 415[3][4][5]  Italië 83 000–100 000[1][6]  Duitsland 50 000[7]  Kanada 37 170[8]  Argentinië 30 000[1][6]  Australië 20 000–25 000[9]  Oostenryk 13 507[10]  Kroasië 10 517[11]  Serwië 4 033[12]  Frankryk 4 000[7][13]  Swede 4 000[7]  Hongarye 3 025[14]  Switserland 2 433[15]  Bosnië en Herzegowina 2 100[16]  Uruguay 2 000–3 000[7]  België 1 500[7]  Brasilië 1 500[7]  Nederland 1 000–2 000[17]  Venezuela 1 000[7]  Spanje 758[18]  Montenegro 415[19]  Noord-Masedonië 403[7]  Noorweë 286[20]  Pole 244[21]  Slowakye 209  Chili 200[7]  Ierland 192[22]  Suid-Afrika 100[7]
Taal:	Sloweens
Geloofsoortuiging:	Hoofsaaklik Rooms-Katolieke Kerk
Verwante etniese groepe:	Ander Suid-Slawiese volke soos Bosniake, Bulgare, Kroate, Masedoniërs, Montenegryne en Serwiërs[23]

Die Slowene (Sloweens: Slovenci [slɔˈʋèːnt͡si]) is 'n Slawiese nasie en etniese groep inheems aan Slowenië wat Sloweens, 'n Suid-Slawiese taal, as moedertaal praat. Hulle vorm die titulêre nasie van Slowenië en maak volgens die laaste sensus van 2002 omtrent 83% van dié land se bevolking uit. Die meeste Slowene is aanhangers van die Rooms-Katolieke Kerk (58%).

Wêreldwyd leef tussen 2 en 2,5 miljoen Slowene, waarvan sowat 1,6 miljoen in Slowenië, tussen 164 634 en 178 415 in die Verenigde State, tussen 83 000 en 100 000 in Italië en 50 000 in Duitsland. Naas Slowene leef nog minderhede soos Serwiërs (2%), Kroate (1,8%) en Bosniake (1,1%) in Slowenië.

Die naam van die Slowene is, soos dié van die Slowake, afgelei van die ou benaming vir die Slawiërs (sloveni). Die woordstam daarvan het nog in benamings soos Sloweens (slovenščina) en Slowenië (Slovenija) bewaar gebly.^[24]

• Wikimedia Commons het meer media in die kategorie Slowene.