Stockport

Stockport is 'n groot dorp in Groter Manchester, Engeland, 11 km suidoos van Manchester se middestad, waar die riviere Goyt en Tame saamsmelt om die Merseyrivier te vorrm. Dit is die grootste dorp in die metropolitaanse distrik met dieselfde naam.

Die grootste deel van die dorp is binne die grense van die historiese graafskap Cheshire, met die gebied noord van die Mersey in die historiese graafskap Lancashire. Stockport in die 16de eeu was 'n klein dorpie geheel en al op die suidoewer van die Mersey, bekend vir die verbouing van hennep en vervaardiging van tou. In die 18de eeu het dit een van die eerste gemeganiseerde syfabrieke in die Britse Eilande gehad. Stockport se oorheersende nywerhede van die 19de eeu was die katoen- en verwante nywerhede. Dit was ook die middelpunt van die land se hoedebedryf, wat teen 1884 meer as ses miljoen hoede per jaar uitgevoer het; die laaste hoedefabriek in Stockport het in 1997 gesluit.

Hierdie artikel is ’n saadjie. Voel vry om Wikipedia te help deur dit uit te brei.