Taoyuan

Taoyuan 桃園市
Kaart	Seël
	Vlag
Land	Republiek China
Administratiewe gewes	Noord-Taiwan
Koördinate	24°59′N 121°19′O / 24.983°N 121.317°O / 24.983; 121.317
Gestig op	25 Desember 2014
Oppervlakte:
- Totaal	1 220,9540 vk km
Hoogte bo seevlak	- m
Bevolking:
- Totaal (Desember 2014)	2 058 328
- Bevolkingsdigtheid	1 897/vk km
Tydsone	UTC +8 (CST)
Burgemeester	Cheng Wen-tsan (DPP)
Amptelike Webwerf	Taoyuan City Government

Taoyuan (Chinees: 桃園市; Pinyin: Taoyuan shi; Pe̍h-oē-jī: Thô-hn̂g-Chhī) is 'n spesiale munisipaliteit van die Republiek China in die noordwestelike deel van die eiland Taiwan. Die stad is langs Nieu-Taipei aan die kus van die Oos-Chinese See in die administratiewe gewes Noord-Taiwan geleë. Taoyuan-distrik is in hierdie munisipaliteit geleë en dien as setel van Taoyuan.

Die stad Taoyuan is op 25 Desember 2014 uit die Taoyuan-distrik gevorm. Die stad het 'n bevolking van sowat 2 miljoen in Desember 2014 gehad en het 'n oppervlakte van 1 220,9540 km². Dit is die vyfde grootste stad van die Republiek China ná Nieu-Taipei, Kaohsiung, Taichung en Taipei.

Taoyuan beteken "perskeboord" aangesien die gebied gereeld baie perskebloeisels het. Taoyuan is die inheemse tuiste van die Pingpu-stam. Dit vorm nou 'n belangrike industriële streek van Taiwan. Die grootste lughawe van dié land, Taoyuan Internasionale Lughawe, wat Taipei bedien, is in hierdie streek geleë. Taoyuan beskik ook oor 'n groot hawe aan die Oos-Chinese See.