Winburg

Winburg
Dorp
Winburg se stadsaal
Winburg  Winburg se ligging in Vrystaat
Koördinate: 28°31′0″S 27°0′36″O / 28.51667°S 27.01000°O / -28.51667; 27.01000
Land	Suid-Afrika
Provinsie	Vrystaat
Distrik	Lejweleputswa
Munisipaliteit	Masilonyana
Stigting	1836
Oppervlak [1]
• Totaal	63,46 km2 (24,50 vk. myl)
Hoogte	1 430 m (4 690 ft)
Bevolking  (2011)[1]
• Totaal	1 373
• Digtheid	22/km2 (60/vk. myl)
Rasverdeling (2011) [1]
• Wit mense	5.4%
• Indiërs/Asiërs	0.3%
• Bruin mense	1.7%
• Swart mense	92.2%
• Ander	0.4%
Taal (2011) [1]
• Sotho	78.5%
• Afrikaans	9.1%
• Engels	4.2%
• Xhosa	3.7%
• Ander	4.5%
Poskode (strate)	9420
Poskode (posbusse)	9420
Skakelkode	051 Plaaslyne: 05242

Winburg is 'n dorpie in die Vrystaat wat in 1836 deur die Voortrekkers aangelê is. Dit was die eerste Vrystaatse hoofstad. Die naam is oorspronklik "Wenburg" gespel, wat volgens sommige kenners ter viering van die Boeremagte oor die Matabele gegee is en volgens ander oor die oorwinning in 'n regsdispuut oor die presiese ligging van die dorp.

Dit het 'n rol gespeel in verskeie ander oorloë met plaaslike stamme en was 'n gevegstoneel tydens die Rebellie van 1914. Vandag is dit 'n graan- en wolsentrum. Die N1 nasionale pad gaan langs die dorp verby, terwyl die N5 nasionale pad hier begin na Harrismith (en omgekeerd).

Hoofartikel: NG gemeente Winburg

Die NG gemeente is in 1841 as die 27ste gemeente in die land gestig. Dit was die eerste gemeente in die Vrystaat, is sewe jaar ouer as Bloemfontein se moedergemeente en naas Pietermaritzburg (1839) die oudste buite die destydse Kaapprovinsie. Twis en tweedrag in die gemeente weens die Maritz-rebellie het gelei tot die stigting van die gemeente Rietfontein in 1917 (sonder grense, soos byvoorbeeld NG gemeente Potchefstroom-Mooirivier in dieselfde jaar). In 2014 het die moedergemeente 194 belydende lidmate gehad en Rietfontein 271.

• Marius Jooste, koerantman van onder meer Perskor.

• Lys van eerste 100 NG gemeentes in Suid-Afrika
• Lys van dorpe in Suid-Afrika
• Makeleketle (sy township)
• Winburg Voortrekkermonument

• Wikimedia Commons het meer media in die kategorie Winburg.

	Virginia	Ventersburg	Senekal
	Theunissen		Marquard
		Winburg
	Verkeerdevlei	Excelsior