Woolworths
From Wikipedia (Af) - Reading time: 3 min
| Woolworths | |
| Tipe | Korporasie |
|---|---|
| Gestig | 1931 |
| Hoofkantoor | Kaapstad, Wes-Kaap, Suid-Afrika |
| Sleutelpersone | Norman Adami (voorsitter en besturende direkteur)[1] |
| Gebied bedien | Suid-Afrika, Australië |
| Industrie | Kleinhandel |
| Produkte | Klere, skoene, bybehore, kruideniersware, skoonheidsprodukte, huisware en finansiële dienste. |
| Inkomste | R21,922 miljard (2009) |
| Bedryfsinkomste | R163,7 miljoen (2009) |
| Netto inkomste | R667,3 miljoen (2009) |
| Werknemers | 18 563 (net Suid-Afrika) |
| Moedermaatskappy | genoem na F. W. Woolworth Company maar onafhanklik |
| Divisies | Woolworths (Proprietary) Limited, Country Road (Australië), Woolworths Finance |
| Webwerf | woolworthsholdings.co.za woolworths.co.za |
| Woolworths Holdings 2015-01-11 | |
| |
Historiese sluitingsprys
| |
| Simbool | WHL |
|---|---|
| Goedgekeur | 89 400 000 |
| Uitgereik | 88 267 306 |
| Sluitingsprys | ZAR 77,52 |
| Beurswaarde | ZAR 7 miljard |
| Aandeelhouers | |
| Staatspensioenfonds | 17.22% |
| Openbare Beleggingskorporasie | 17.02% |
| GIC Private | 5.27% |
| E-Com Investments 16 | 5.20% |
| Lazard Asset Management | 5.20% |
| Coronation Asset Management | 5.07% |
Woolworths is 'n Suid-Afrikaanse winkelgroep wat op die Johannesburgse Effektebeurs genoteer is. Die winkelgroep is deur Max Sonnenberg saam met sy seun Richard, en Fred Kossuth gestig. Die eerste Woolworthswinkel is in Oktober 1931 in die Ou Royal Hotel in Kaapstad geopen. In 2012 het die groep landwyd 20 000 permanente werknemers in hul 400 winkels gehad.[2] Die Suid-Afrikaanse Woolworths het geen assosiasie met die Australiese Woolworths supermarkketting nie.
Omstredenheid
[wysig | wysig bron]
Bemarking
[wysig | wysig bron]Die winkelgroep het in 2010 opslae gemaak nadat hulle besluit het om Christelike tydskrifte van hulle rakke te verwyder. Na die publieke ophef en 'n dreigende boikot het hulle aangedui dat die besluit op dalende verkope gebaseer is.[3] Die vyf tydskrifte is later weer op die rakke geplaas.[4] Hulle weier ook om enige Afrikaans in hulle winkels te gebruik.[2]
Rasherrie
[wysig | wysig bron]In September 2012 het hulle 'n rasherrie ontketen omdat hulle advertensies vir poste wit applikante uitgesluit het.[5][6] Volgens Solidariteit maak die Wet op Gelyke Indiensneming nie voorsiening vir die uitsluiting van enige ras tydens die aansoekproses nie, en het geëis dat dit vir alle rasse oopgestel word.[7] Volgens hul advertensie se herbewoording sou Woolworths "voorkeur gee aan kandidate uit aangewese groepe, in oorleg met ons indiensneming-ekwiteitbenadering".[6]
Bevordering van LGBT onder jeug
[wysig | wysig bron]In Junie 2023 het Woolworths sowel lof as hewige kritiek van ondermeer Christen- en Moslem-groepe ontvang vir bemarking van klerasie met LGBTQIA+-ontwerpe aan jong klante.[8] In reaksie het Woolworths 'n verklaring uitgereik waarvolgens hulle geweier het om hulle van die veldtog as 'n integrale bydrae tot Pride-maand te distansieer.[9] Woolworths het hulself verder aangedui as 'n verskaffer van goedere in plaas van 'n morele of maatskaplike kompas. Deur kritici is Woolworths ondermeer verwyt dat hulle 'n "bose generasie in 'n Christenland" sou bevorder, terwyl ander die "Be an Ally"-veldtog en -slagspreuk lof toegeswaai het.[8]
Marks and Spencer
[wysig | wysig bron]Woolworths Suid-Afrika skoei hul handelsmerk openlik op die Britse Marks and Spencer kleinhandelkonsep. Marks and Spencer word tipies binne die Woolworths-organisasie aangewend as 'n riglyn wat modernisering van winkeltemas en -handelsmerke betref, benewens die uitleg van winkels.
Verwysings
[wysig | wysig bron]- ↑ (en) "Management". The South African Breweries Ltd. Besoek op 20 April 2014.
- ↑ 2,0 2,1 Woolies kan honderde afdank Geargiveer 19 September 2012 op Wayback Machine, PRAAG, 27 Augustus 2012
- ↑ "Woolworths bans Christian mags". News24. Besoek op 3 September 2017.
- ↑ Woolworths trap klei Geargiveer 14 Februarie 2012 op Wayback Machine, besoek op 27 Augustus 2012
- ↑ Woolworths slaan vure dood oor 'rassisme' Geargiveer 5 September 2012 op Wayback Machine, Nuus24, 4 September 2012
- ↑ 6,0 6,1 Peter Church (3 September 2012). "Racist Woolworths SA defiant". SA Promo. Besoek op 14 Januarie 2013.
- ↑ Woolworths moet poste vir alle rasgroepe oopstel Geargiveer 6 September 2012 op Wayback Machine, PRAAG, 4 September 2012
- ↑ 8,0 8,1 van Zyl, Ané (7 Junie 2023). "PRIDE-REEKS Woolies 'wil brûe bou' met veldtog: 'Hartseer' oor party mense se reaksie". Beeld. p. 3.
- ↑ van den Heever, Megan (13 Junie 2023). "Woolworths feels heat from religious groups over Pride campaign". The South African (in Engels). Besoek op 14 Junie 2023.
Eksterne skakels
[wysig | wysig bron]
Wikimedia Commons het meer media in die kategorie Woolworths.- Woolworths se webtuiste
EncycloReader
is supported by the 
KSF