Zaragoza

Zaragoza
Kaart	Wapen
	Vlag
Land	Spanje
Administratiewe gewes	Aragón
Provinsie	Zaragoza
Koördinate	41°39′N 0°53′W / 41.650°N 0.883°W / 41.650; -0.883
Stigting	25–12 v.C.
Oppervlakte:
- Totaal	973,78 vk km
Hoogte bo seevlak	243 m
Bevolking:
- Totaal (2021)	675 301
- Bevolkingsdigtheid	690/vk km
Tydsone	UTC +1 (MET)
- Somertyd	UTC +2 (MEST)
Burgemeester	Juan Alberto Belloch (PSOE)
Amptelike webwerf	zaragoza.es

Zaragoza [θaɾaˈɣoθa], in ander tale dikwels ook Saragossa genoem, is die administratiewe hoofstad van die gelyknamige provinsie en die Outonome Gemeenskap van Aragón in Spanje met 'n bevolking van meer as 675 000 wat gelykstaan aan sowat die helfte van die totale Aragonese bevolking. Zaragoza is die vyfde grootste stad in Spanje.

Zaragoza is in die hartland van Aragón aan die Ebro en sy takriviere Huerva en Gállego geleë, in 'n vallei waarvan die landskapsvorme wissel van woestyn (Los Monegros) tot digte bosse, weivelde en berggebiede. Op kulturele gebied staan die stad bekend vir sy volks- en kookkuns asook sy argitektoniese erfenis met bekende geboue soos die Basiliek van Onse Liewe Vrou van Pilar (Basílica del Pilar), die La Seo-katedraal en die Aljafería-paleis.

Saam met La Seo en die Aljafería is 'n aantal historiese geboue, wat as voortreflike voorbeelde van Aragón se Mudéjar-boukuns beskou word, deur Unesco as wêrelderfenis gelys. Die Fiestas del Pilar word by die bekendste feeste van Spanje gereken. Dit was een van die gasheerstede tydens die FIFA Sokker-Wêreldbekertoernooi in 1982.

• Wikimedia Commons het meer media in die kategorie Zaragoza.
• (en) Toerisme-inligting oor Zaragoza op Wikivoyage
• (es) Amptelike webwerf
• (en) "Zaragoza". Encyclopædia Britannica. Besoek op 1 Maart 2019.

Hierdie Spanje-verwante artikel is 'n saadjie. U kan help deur dit uit te brei.